24 maýsymda Malaızııa astanasy Kýala-Lýmpýrda Dımash Qudaıbergenniń alǵashqy «Stranger» jeke konserti ótedi, dep habarlaıdy Egemen.kz dimashnews.com saıtyna silteme jasap.
Konsertti uıymdastyrýshylar ánsúıer qaýymǵa erekshe syı ázirlegen. Úlken shoý qarsańynda qonaqtarǵa bıletter men ártistiń aty jazylǵan eksklıýzıvti ónimder oınatyldy. Vokalıster arasynda baıqaý uıymdastyryldy. Munda basty júlde ıegeri konserttiń shymyldyǵyn ashatyn qonaq retinde óner kórsetedi.
Baıqaýda Dımashtyń repertýarynan «S.O.S», «Adajıo», «Opera-2» sııaqty tanymal ánder oryndaldy. Baıqaý júldegerleri jas mýzykanttar Lim Yue Zhen jáne Aric Lau, al jeńimpaz – «Znaı» ánin oryndaǵan 16 jastaǵy ánshi Eshan .
Sonymen qatar Malaızııanyń eń tanymal ánshileriniń biri – Dato Shrı Sıtı Nýrhalıza konserttiń arnaıy qonaǵy retinde qatysatynyn jarııalady. Sıtı Nýrhalıza Dımashtyń oryndaýyn óte joǵary baǵalaıdy. Konsertte arnaıy qonaq bolý múmkindigi týraly suraqqa jaýap bergende Sıtı Nýrhalıza Dımashtyń ánshilik qabiletine, shyǵarmashylyǵy kóńilinen shyǵyp, tánti bolǵanyn aıtty.
«Dımashtyń daýysy keremet, meıli ol joǵary notada bolsyn, tómen notada bolsyn, esh qıyndyqsyz erkin aýysa alady, óte keremet án aıtady», dep aıtty Dato Shrı Sıtı Nýrhalız xuan.com.my basylymyna bergen suhbatynda.