Prezıdent Qasym-Jomart Toqaev Batys elderi jarııalaǵan sanksııalardyń saqtalýyna qatysty pikir bildirdi, dep habarlaıdy Egemen.kz Aqordanyń baspasóz qyzmetine silteme jasap.
«Biz, eń aldymen, DSU erejeleri men normalaryn basshylyqqa alamyz. Sondaı-aq halyqaralyq naryqta qabyldanǵan barlyq erejeni saqtaımyz. Al eki maqsatta qoldanylatyn taýarlardyń Reseıge eksporty týraly aıtar bolsaq, bul múldem shyndyqqa janaspaıdy. О́ıtkeni, jańa ǵana aıtqanymdaı, biz DSU erejesin jáne Eýropalyq Odaq jarııalaǵan barlyq sanksııa talaptaryn saqtaımyz.
Áıtse de, Reseımen saýda-sattyq jasaımyz. Byltyr eki el arasyndaǵy taýar aınalymynyń kólemi 28 mıllıard dollarǵa jetti. Bul qoldanystaǵy halyqaralyq standarttarǵa tolyq saı keledi», dedi Memleket basshysy.