Astanada ótedi dep josparlanǵan bokstan jastar men jasóspirimder arasyndaǵy Azııa chempıonaty keıinge qaldyryldy. Bul týraly Azııa boks konfederasııasynyń (ASBC) baspasóz qyzmeti habarlady, dep jazady Egemen.kz.
2023 jylǵy jastar men jasóspirimder arasyndaǵy Azııa chempıonaty 14-30 shilde aralyǵynda Astanada ótýi tıis bolǵan.
Chempıonattyń jastar bóliminde 2005 jáne 2006 jyly týǵan boksshylar, al jasóspirimder sanatynda 2007 jáne 2008 jyly týǵan sportshylar baq synaıdy dep josparlanǵan edi.
Keshe baıraqty dodanyń keıinge shegerilgeni belgili boldy. Alaıda konfederasııa Qurlyq birinshiligi nege keıinge qalǵanyn túsindirgen joq.