Búgin Senatta jýrnalıster arasyndaǵy «Parasat» baıqaýynyń laýreattaryn marapattaý rásimi ótti. Is-shara barysynda Senat Tóraǵasy Máýlen Áshimbaev buqaralyq aqparat quraldary ókilderin kele jatqan kásibı merekelerimen quttyqtady, dep habarlaıdy Egemen.kz Parlament Senatynyń baspasóz qyzmetine silteme jasap.
О́z sózinde Palata Spıkeri qazir aqparat zamany ekenin, osyndaı kezeńde jýrnalıster qaýymy qoǵamnyń ilgeri jyljýynda mańyzdy ról atqaratynyn aıtty. Sondaı-aq Máýlen Áshimbaev búginde Senat Memleket basshysynyń bastamasymen iske asyrylyp jatqan reformalardy zańnamalyq turǵydan qamtamasyz etý baǵytynda aýqymdy jumys atqaryp kele jatqanyna nazar aýdardy. Bul rette de Palata BAQ-pen ashyq ári tyǵyz baılanys ornatýǵa úlken kóńil bólip keledi.
«Memleket basshysy Túrkistanda ótken Ulttyq quryltaıdyń ekinshi otyrysynda mass-medıa – elimizdi jańǵyrtý isine erekshe yqpal etetin sala dep atap ótti. Shyn máninde, jýrnalıster qaýymyn bılik pen qoǵam arasyndaǵy pármendi baılanys quraly dep qabyldaımyz. Sondyqtan iske asyrylyp jatqan barlyq reformalardyń nátıjeli bolýynda BAQ ókilderiniń róli aıryqsha mánge ıe. Olar qoǵamnyń memleketke degen senimin qalyptastyrý jolynda da mańyzdy ról atqarady. Sol arqyly eldegi turaqtylyq pen kelisimniń saqtalýyna úlken úles qosýda. Osy oraıda jýrnalısterdiń parlamenttik pýlyna jeke toqtalǵym kelip otyr. Senattyń jumysyn jáne qabyldanǵan zańdardyń máni men mańyzyn azamattarǵa jedel ári sapaly jetkize otyryp, sizder demokratııaly, Ádiletti Qazaqstan qurý isine óz úlesterińizdi qosyp kelesizder», dedi Senat Tóraǵasy.
Sonymen qatar Máýlen Áshimbaev Senat óńirlerdiń múddesin qorǵaıtyn Palata retinde aımaqtardyń jan-jaqty damýyna, turǵydardyń ómir súrý sapasyn arttyrýǵa basa mán beretinin aıtty. Osyǵan oraı senatorlardyń atalǵan baǵyttaǵy depýtattyq saýaldaryn, Komıtetterdiń jumysyn, qabyldanǵan zańdardy halyqqa jetkizip, olardyń mánin túsindirý isinde BAQ-tyń mańyzy zor.
Aıta keteıik, «Parasat» baıqaýyna bıyl 100-ge jýyq jumys kelip tústi. Avtorlardyń qatarynda ortalyqpen birge óńirlerdegi telearna, radıo, gazet, aqparat portaldarynyń jýrnalısteri bar.
2023 jylǵy «Parasat» baıqaýynyń jeńimpazdary:
Úzdik televızııalyq materıal: Ázıza Isabaı («KTK» telearnasy), Nysanaly Yǵylov («Jibek joly» telearnasy), Nazerke Sultanqulova («Habar24» telearnasy).
Úzdik radıomaterıal: Gúlnur Doskeeva («Shalqar» radıosy).
Merzimdi baspasózdegi úzdik materıal: Mırgúl Jylqyshynova («Lıter» gazeti), Leıla Tastanova («Vremıa» gazeti).
Internet-basylymdaǵy úzdik jarııalanym: Nazgúl Ábjekenova («Golos naroda» aqparat agenttigi), Oksana Daırova («Zakon.kz» aqparat agenttigi).
Áleýmettik jelilerdegi úzdik jazba: Almas Shoraev – qoǵam qaıratkeri.
Jyldyń arnaıy syılyǵy – «Úzdik analıtıkalyq materıal»: «Kókshe»telearnasynyń ujymy, Aqmola oblysy («Qazaqstan» korporasııasy); Áselim Ábildınova –«TDK-42» telearnasy, Batys Qazaqstan oblysy; Álııa Almuhambetova – «Pervyı kanal Evrazııa»telearnasy; Qalmahanbet Muqametqalı – «Egemen Qazaqstan» gazeti.