Antıkorrýpsııalyq qyzmet tergep jatqan qylmystyq isterdi jedel súıemeldeý aıasynda sot tóreligin iske asyrý jónindegi qyzmetke aralasýǵa baǵyttalǵan asa aýyr jemqorlyq qylmystar jasalynǵany anyqtaldy, dep habarlaıdy Egemen.kz.
Sybaılas jemqorlyqqa qarsy is-qımyl agenttiginiń baspasóz qyzmeti habarlaǵandaı, jasyryn is-sharalar kesheniniń nátıjeleri boıynsha para berýge oqtalǵan QR Mádenıet jáne sport eks-mınıstri A.Muhamedıulynyń jubaıy áshkerelendi. Condaı-aq atalǵandardyń múddelerin qorǵaýdy júzege asyrǵan advokat alaıaqtyq pen para berýge ıtermeleý kúdigimen ustaldy.
«A.Muhamedıulynyń qylmystyq jazasyn jeńildetý jáne qamaýdan bosatý syltaýymen qorǵalýshynyń jubaıynan sot organdarynyń laýazymdy adamdaryna berý úshin para retinde 460 000 AQSh dollary somasynda aqshalaı qarajat alǵan. Tergeý amaldary barysynda 255 000 AQSh dollary kólemindegi qarajat anyqtalyp, tárkilendi. Qalǵan somany ol óz qalaýy boıynsha jumsaǵany anyqtaldy. Sonymen birge Astana qalasynyń Qylmystyq ister jónindegi aýdanaralyq sotynyń úkimimen A.Muhamedıuly 8 jylǵa bas bostandyǵynan aıyryldy», delingen habarlamada.
Eks-mınıstrdiń ókili ustalyp, ýaqytsha ustaý ızolıatoryna qamaldy.
Muhamedıulynyń jubaıy asa iri kólemde para berýge oqtalýy boıynsha kúdikti bolyp tanyldy.
QR QPK 201-babyna sáıkes, tergeý múddesine oraı ózge aqparat jarııalaýǵa jatpaıdy.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik Kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.