2023 jyldyń 4-8 shilde aralyǵynda QR Syrtqy ister mınıstrliginiń «Otandastar qory» qoǵamy uıymdastyrýymen jáne Qazaqstannyń Mońǵolııadaǵy Elshiliginiń qoldaýymen Ulan-Batyr, Qobda, Baıan-О́lgeı aımaqtarynda Qazaqstan men Mońǵolııa arasyndaǵy dıplomatııalyq qatynastardyń 30 jyldyǵy aıasynda eki el arasynda dostyq pen yntymaqtastyqty nyǵaıtý maqsatynda Mońǵolııa qazaqtarynyń IV Kishi Quryltaıy ótedi, dep habarlaıdy Egemen.kz.
Aýqymdy shara aıasynda eki el ǵalymdary, memleket, qoǵam qaıratkerleriniń qatysýymen ǵylymı konferensııa, kıno jáne mýltfılm aptalyǵy, bıznes forým, ulttyq oıyndar men merekelik konsertter ótedi.
Sonymen qatar 8-9 shildede Reseı Federasııasynyń Altaı Respýblıkasyndaǵy qazaqtar mekendeıtin Qosaǵash aýdanynda jáne Altaı ólkesi ortalyǵy Barnaýldaǵy qandastarmen kezdesý ótkizip, rýhanı kesh uıymdastyrylady.
«Otandastar qory» qoǵamy tarapynan osyndaı is-sharalardy ótkizý elderimiz arasyndaǵy dostyq kópirdi nyǵaıtyp qana qoımaı, Mońǵolııa jáne Reseı qazaqtarynyń ulttyq biregeıligin arttyra túsýge jáne elimizben rýhanı baılanystardy nyǵaıtýǵa da óz úlesin qospaq.