Prezıdent poshtasynan

TARIHI ERLIK JALǴASA BERSIN

Memleket basshysynyń atyna “Bolashaq maqsatyndaǵy zerde” halyqaralyq forýmyna qatysýshylardan ujymdyq hat kelip tústi, dep habarlady Qazaqstan Respýblıkasy Prezıdentiniń baspasóz qyzmeti. Aralarynda Reseıdiń, Bela­rýs Respýblıkasynyń, Tájik­stan­nyń, Qyrǵyzstannyń, Iz­raıl­diń, AQSh-tyń, Fransııa men Shveı­sa­rııanyń azamattary bar avtorlar Qa­zaqstan halqy As­sambleıasynyń sha­qyrýy boıyn­sha ózderiniń Qa­zaq­stanǵa kelip, “Bolashaq maqsa­tyn­daǵy zerde” jobasynyń shara­la­ryna qatysyp, qazaqstandyq­tar­men pikirlese, “ALJIR” memo­rıaldyq mura­jaıynda bola alǵany úshin rıza­shylyqtaryn bildiredi. Halyqaralyq forýmǵa qaty­sý­shylar repressııalardyń beıkúná qurbandarynyń jarqyn beınesin saqtaýǵa kóńil bólip otyrǵany úshin  tikeleı Nursultan Ábishuly Nazarbaevqa alǵys aıtady. “Biz úshin qasıetti oryndarǵa taǵzym etýge Sizdiń tamasha elińiz­ge kel­gende Siz bizben tikeleı kez­de­sýdi qajet dep taýyp, zor kóńil jáne adamı qatystylyq tanytady dep oılaı qoıǵan joq edik. Sizben kezdesýde biz qazaq hal­qynyń izgi janynyń búkil keńis­tigi men jylylyǵyn shyn júrek­ten sezindik jáne sol kezde Qazaq­stan­da bolǵan lagerler arqyly ótkende bizdiń ata-analarymyz nelikten tiri qalǵanyn, olardyń urpaqtary bizge de ystyq ári etene bolǵan Sizdiń elińizdi nelikten jylylyqpen eske alatynyn túsingendeı boldyq. Qor­qynyshty jyldar men totalı­tar­lyq terror qurbandary týraly zerdeni saqtaý úshin Siz jasap otyr­ǵan  nárse – bul tarıhı erlik. Biz lagerlerdiń or­nynda memo­rıal­dyq keshender, eskertkishter tur­ǵy­zyl­ǵanyn, Sizdiń bastamańyz boı­ynsha mine on jyldan astam ýaqyt boıy 31 mamyr Qazaqstanda Saıası qý­ǵyn-súrgin qurbandaryn eske alý kúni retinde atalyp otyrǵanyn kórdik. Bul burynǵynyń qasireti qaıtalanbaýy úshin tarıhqa qalaı qaraý kerektigi turǵysy­nan bar­shaǵa ónege, bul rýhanı bastaýdy saqtaý, bul – Taǵzym taǵylymy. Eń bastysy – bul repres­sııa­lardan ózi de sumdyq zardap shekse de, sol qatal ýaqytta zorlyq kór­gen barlyq halyqtardy jadynda muqııat saqtap kele jatqan qazaq halqynyń joǵary adamgershilik seziminiń ónegesi. Qazaq halqyna rahmet aıtyp, taǵzym etemiz! Biz Sizdiń jerińizden beıbit­shi­lik pen kelisimdi kórdik. Sonyń arqasynda Qazaqstan mıllıon­daǵan adamdar úshin tozaq bolǵan jer aýdarý men lagerler ornynan ór­ken­degen elge aınaldy. Bul Táýel­siz Qazaqstan qurylǵan sátten bastap Siz júrgizip otyrǵan mem­le­kettik saıasattyń nátıjesi. Osyndaı Prezıdenti bar halyq baqytty! Sizge myqty densaýlyq jáne uzaq ǵumyr tileımiz!” – delingen hatta.