Astananyń 25 jyldyq mereıtoıyna oraı respýblıkalyq BAQ ókilderi arasynda ótken baıqaýdyń jeńimpazdary marapattaldy. Baıqaý Astana qalasy ákimdiginiń tikeleı qoldaýymen uıymdastyryldy, dep habarlaıdy Egemen.kz elorda ákimdiginiń baspasóz qyzmetine silteme jasap.
Marapattaý rásimine Aqparat jáne qoǵamdyq damý vıse-mınıstri, Astana qalasy ákiminiń orynbasary Eset Báıken, qoǵam qaıratkeri Qýanysh Sultanov, qalalyq máslıhat tóraǵasy Erlan Kanalımov, «Habar Agenttigi» AQ basqarma tóraǵasy Berik Ýálı qatysty.
«Elordanyń 25 jyldyq mereıtoıymen barshańyzdy quttyqtaımyn! Qazirgi kezde qalada 30-dan astam telearna, 490-nan astam gazet-jýrnal, 137 ınternet basylymy bar. Búgingi baıqaýǵa 100-den astam ótinish kelip tústi. Elge tanymal adamdardan ádil-qazylar alqasyn qurdyq. Olardyń qatarynda Nurtóre Júsip, Qymbat Dosjan, Bıbigúl Jeksenbaı boldy», dedi qala ákiminiń orynbasary Eset Báıken.
Astana qalasynyń Ishki saıasat basqarmasynyń basshysy Dáýren Babamuratovtyń sózinshe, baıqaýda eń úzdikterdi anyqtaý qıynǵa túsken.
«Bul is-shara elordanyń 25 jyldyǵyna oraı uıymdastyrylyp otyr. Elordada bolyp jatqan túrli oqıǵalardy barsha qazaqstandyq tek jýrnalıster daıyndaǵan medıa ónim arqyly biledi. Mysaly, is-sharaǵa shartty túrde 2000 adam qatysa alady, al jýrnalıster jazǵan kezde bul týraly júzdegen myń azamat biledi. Biz elordanyń 25 jyldyǵy jáne onyń jetistikteri týraly eń úzdik maqalalar, fotoreportajdar men beınesıýjetterdi tańdap aldyq. Mine, búgin elordamyzdy tanymal etýge eleýli úles qosyp júrgen jýrnalısterdi marapattadyq», dedi Dáýren Babamuratov.
BAQ ókilderine arnalǵan baıqaýda 7 atalym boıynsha barlyǵy 100-den astam úmitker synǵa tústi.
Qazylar alqasynyń sheshimimen kelesi atalymdar boıynsha baıqaý jeńimpazdary anyqtaldy:
1) «Úzdik jýrnalıst-sarapshy»: 1-oryn – Gúlshat Seraly («Astana aqshamy» gazeti), 2-oryn – Arnur Asqar («Egemen Qazaqstan» gazeti), 3-oryn – Maksım Ýdod («Vechernıaıa Astana» gazeti);
2) «Úzdik sholýshy»: 1-oryn – Nazıra Baltasheva («Golos naroda» aqparattyq agenttigi), 2-oryn – Ábýbákir Smaıylov («Jas qazaq» portaly), 3-oryn – Áıgerim Musataeva (Liter.kz jelilik basylymy);
3) «Úzdik radıoreportaj»: 1-oryn – Dýlat Abıbýllaev («Qazaq radıosy»), 2-oryn – Raýshan Sybanjanova («Halyq radıosy»), 3-oryn – Azamat Tilepov («Qazaq radıosy»);
4) «Úzdik telesıýjet»: 1-oryn – Mark Brıýshko («Jibek joly» telearnasy), 2-oryn – Ǵabıt Bókenbaı («Qazaqstan» telearnasy), 3-oryn – Dınara Ábdirova («24 kz» telearnasy);
5) «Úzdik mobılograf»: 1-oryn – Ulan Ábishev («Qazkontent» AQ), 2-oryn – Áıgerim Erjanova («Evrazııa» birinshi arnasy), 3-oryn – Abaı Ýahıt («Amanat» partııasy);
6) «Úzdik fotoreportaj»: 1-oryn – Shúkir Shahaı, 2-oryn – Vladıslav Vodnev, 3-oryn – Sultan Seıitov («Astana aqshamy» gazeti), Erlan Omarov («Egemen Qazaqstan» gazeti);
7) «Áleýmettik jelidegi Astananyń 25 jyldyǵy týraly úzdik materıal» arnaıy nomınasııasy: 1-oryn – Qaınar Oljaı, 2-oryn – Renat Tashkınbaev, 3-oryn – Saltanat Jaqypova («Elorda Info» saıty).
Birinshi orynǵa 1 000 000 teńgeniń, ekinshi orynǵa – 500 myń teńgeniń, úshinshi orynǵa 300 myń teńgeniń sertıfıkaty tabys etildi.
Jeńimpazdardy elimizdegi belgili jýrnalıster, medıa-sarapshylar jáne belgili sala ókilderinen quralǵan konkýrstyq komıssııa anyqtady.