Almatyda qoǵamdyq kólikpen jol júrý aqysymen qatar qala mańyndaǵy temirjol qatynasynyń jolaqysy da kóteriledi. Atap aıtqanda, Almatydan Uzynaǵashqa qatynaıtyn poıyz aqysy 80 teńgeden 100 teńgege kóteriledi, dep habarlaıdy Egemen.kz.
«Qazirgi ýaqytta Almaty qalasynyń ákimdigi qoǵamdyq kólikte qolma-qol aqshasyz tóleý kezinde tarıfterdi 100 teńgege deıin kóterýge qatysty qaýlylardyń jobalaryn ázirlep jatyr. Osyǵan baılanysty temir jol áleýmettik tasymaldaryna da 100 teńge mólsherinde shekti tarıf belgileý usynylady», delingen qalalyq mobıldilik basqarmasynyń habarlamasynda.
Sondaı-aq atalǵan baǵyttyń ataýyn túzetý josparlanyp otyr. Baǵyt endi «Qazybek bek – Almaty 2 – Qazybek bek» dep atalady.
«Uzynaǵash aýylynda ornalasqan stansııada «Qazybek bek» ataýy paıdalanylady, bul Almaty qalasy máslıhatynyń sheshiminde zańdy naqtylaýdy talap etedi. Sondaı-aq marshrýttyń baǵytyn naqtylaý qajet, óıtkeni ol 2022 jyldan bastap «Qazybek bek» stansııasynan «Almaty 2» temirjol vokzalyna qaraı jáne keri qaraı júredi», delingen basqarmanyń túsindirme jazbasynda.
Qujat jobasyn jarııa talqylaý merzimi – 1 tamyzǵa deıin.