Taıaý kúnderi Qorǵanys mınıstrliginiń delegasııasy ınspeksııalyq saparmen Golan jotalaryndaǵy BUU Kúshteriniń bólingen aımaqty baqylaý jónindegi mıssııa oryndalatyn óńirge bardy, dep habarlaıdy Egemen.kz.
Qarýly kúshter Qurlyq áskerleriniń bas qolbasshysy, general-maıor Mereke Kóshekbaevtyń jetekshiligimen ótken sapar barysynda mıssııa qolbasshylyǵymen kezdesý ótip, onyń sheńberinde Birikken Ulttar Uıymynyń bólingen aımaqty baqylaý mandatyn iske asyrý máseleleri, óńirdegi ahýal men otandyq kontıngenttiń qyzmeti talqylandy.
Golan jotalarynda Qazaqstannyń qansha bitimgeri qyzmet etedi?
Mıssııa basshysy jáne BUU bólingen aımaqty baqylaý jónindegi kúshteriniń qolbasshysy, general-maıor Anıta Asma qazaq bitimgerlerine qoıylǵan mindetterdi sapaly oryndaǵany úshin alǵysyn aıtyp, olardyń is-qımylyn, kásibıligin, tártibi men úılesimdi áreketin joǵary baǵalady.
Golan jotalarynda myńnan asa qaýipti zat tabyldy
Ol jerde bizdiń ulttyq kontıngent jedel áreket etý bólimshesiniń fýnksııalaryn oryndap, mobıldi patrýldeýdi júzege asyrý, jedel áreket etý toptarynyń daıyndyǵyn, medısınalyq evakýasııalaý men ınjener-saperlerdiń ilesip júrýin qamtamasyz etý sekildi tapsyrmalardy oryndap jatyr. Odan basqa baqylaý beketterinde de tıisti mindetterdi oryndaıdy.
Mıssııa bastalǵaly beri ulttyq kontıngent 675 operasııany sátti oryndady. Qazirgi ýaqytta Golan jotalarynda 139 otandyq bitimger qyzmet etip júr.