Jobanyń oryndalýy pysyqtaldy

Densaýlyq saqtaý mınıstri Ajar Ǵınııat aldaǵy eki jylda aýyldarda jańa 655 alǵashqy medısınalyq-sanıtarlyq kó­mek kórsetý nysandaryn salý boıynsha júrgizilip jatqan ju­mystar týraly baıandady. Olar­dyń qatarynda fızıoterapııa kabıneti men dárihanany, feldsherlik-akýsherlik beket­ter­di (aqparattandyrý kabı­neti qosyldy) jáne dáriger­lik ambýlatorııa­lardy (EDSh zaly qosyldy) qamtıtyn zamanaýı medısınalyq beketter bar.

Fızıoterapııa kabınetteri elektroterapııa, magnıtoterapııa, ýltra­dybystyq terapııa, fototerapııa, ýltrakúlgin terapııasy, ıngalıatorlar jáne basqa da qurylǵylarmen jab­dyq­talatyny atap ótildi. EShD zalynda usaq motorıkany qal­pyna keltirý men damytýǵa ar­nalǵan túrli trenajerlar, ergoterapııaǵa arnalǵan stendter, shved qabyrǵasy, kıne­zoterapııaǵa arnalǵan jab­dyqtar qarastyrylǵan. Sonymen qatar barlyq jańa MSAK nysandary telemedısınany uıymdastyrý úshin kompıýterlik jáne medı­sınalyq jabdyqtarmen qam­tamasyz etilgen.

Ulttyq joba sheńberinde ınsýlt jáne kardıologııalyq ortalyqtar, ońaltý, travmatologııa jáne ortopedııa, hırýrgııa, reanımasııa, qarqyndy terapııa bólimsheleri ashylyp, kóp­be­ıindi ortalyq aýdandyq 32 aýrý­hanany jańǵyrtý jáne kúrdeli jón­deý, sondaı-aq zamanaýı medı­sı­nalyq jabdyqtarmen ja­raq­tandyrý jumys­ta­ry júr­giziledi.

Sonymen qatar aýyldyq den­saýlyq saqtaý mekemeleri úshin 1100 medısına qyzmetkerin daıarlaý josparlanýda, olardyń arasynda dárigerler, medbıkeler, feldsherler men akýsherler bar.

Indýstrııa jáne ınfra­qurylymdyq damý mınıstri Marat Qarabaev jańa medı­sı­nalyq nysandardyń úlgilik jobalaryn jergilikti jaǵdaıǵa beıimdeý jumystary týraly aıtty.

Ulttyq jobanyń óńirlerde júzege asyrylý barysy týraly Atyraý obly­sy­nyń ákimi Serik Shápkenov, Qostanaı oblysynyń ákimi Qumar Aqsaqalov, Mań­ǵystaý oblysynyń ákimi Nurlan Noǵaev jáne Qaraǵandy ob­ly­­synyń ákimi Ermaǵanbet Bólekpaev baıandady.

Úkimet basshysy jıyndy qorytyn­dylaı kele, úlgilik jobalardy jer­gilikti jaǵdaımen baılanystyrý, son­daı-aq qury­lys alańdaryna ınje­ner­lik kommýnıkasııalar men jol tartý jumystaryn jedeldetýdi talap etti.

Sonymen qatar Álıhan Smaıylov Densaýlyq saqtaý mı­nıstrligi Ulttyq jobany úılestirý men baqylaýdy kú­sheıtýi qajet ekenin atap ótti.