Rýhanı kelisimniń aınasy

Tusaýkeserge elordadaǵy dinı bir­les­tikterdiń basshylary, ǵylymı-sa­rap­tamalyq qoǵamdastyq ókil­deri, memlekettik organ­dar­dyń qyzmetshileri keldi. Saltanatty sharada Astana qalasy ákimdiginiń tapsyry­symen shyǵarylǵan 5 dinı ádebıettiń tusaýy kesil­di. Negizi elde jyl saıyn memlekettik tapsyrys­pen ártúrli dinı kitaptar ja­ryq kóredi. Bul qadam qoǵam­da rýhanı, adamgershilik qundylyqtardy nyǵaıtýǵa, din, mádenıet arasynda ózara túsinistik pen kelisimge qol jetkizýde mańyzdy ról at­qarady dep bilemiz.

Is-sharada qalalyq máslı­hattyń tór­aǵasy Erlan Kana­lımov ta din men dástúr sabaqtastyǵy jaıynda taǵy­lymdy oı qozǵady.

– Din halqymyzdyń áleý­mettik jáne rýhanı ómi­riniń bir bóligi ispetti. Qa­zaq halqy ejelden salt-dás­túr, ádet-ǵurpyn dinmen ush­tastyrǵanyn bi­lesiz­der. Iá, din men dástúr egiz uǵym se­kildi. Urpaq tárbıesinde de din men dás­túrdegi qundy­lyqtar qatar jú­redi. Elor­dadaǵy dinı nysandardy jáne onyń shyǵý tarıhyn tú­gendep, ensı­klo­pedııa shy­ǵarý – úlken eńbekti qajet ete­tin is. Endi keleshekte osy kitap­tar elordalyqtarǵa, qo­naq­tarǵa, din sala­synyń zert­teýshilerine salmaqty nus­­qaýlyq bolady dep oılaı­myn. Osyndaı izgilikke úndeıtin eńbekter kóp bolsyn. Avtorlarǵa alǵys aıtamyz, – dedi qaıratker.

Bilseńizder, «Elordanyń dinı nysandary» degen ataý­men jaryq kórgen ensı­klo­pedııa Astana qalasyndaǵy dinı birlestikterdiń tarıhy men kýlttik tájirıbesi týraly maǵlumat qamtylǵan eń alǵashqy birigeı eńbek sanalady. Sondyqtan Astana qalasy ákiminiń orynbasary Eset Baıken de osy jınaqtyń mazmunyna az-kem toqtaldy.

– Jyl basynda Din isteri basqar­masy­men keńesip, elor­danyń shırek ǵasy­ryn­da astanalyqtarǵa qandaı dúnıe usy­namyz dep oıladyq. Aqyldasa kele osy ensıklopedııany jaryqqa shy­ǵarýdy qolǵa aldyq. Elordada 14 dinı konfessııa men 57 dinı birlestik el ege­mendigin alǵan tus­tan berige deıin óziniń dara jolyn qalyptastyrdy. Osy je­tistikterdi búgin tu­saýyn kesip otyr­ǵan jınaq­ta kórsetýge tyrystyq. «El­or­danyń dinı nysandary» ensıklope­dııasy jáne dinı saýat ashatyn kitaptar elordalyqtarǵa olja bolsyn, – dedi E.Baıken.

Jınaq 16 taraýdan tura­dy. Árbirinde elordanyń dinı konfessııalary týraly maǵlumat túgendelgen. Tusaýy kesilgen kitaptardyń mán-mańyzy týraly «Qazaq gazetteri» JShS dırektory Dıhan Qamzabekuly bylaı dedi:

– Búgin taǵylymdy ki­taptar barshaǵa oı salyp otyr. Birin­shi – tarıhqa barlaý, ekin­shi – búgi­nimizdi aıqyndap alý, úshinshi – osy kitaptyń sheń­­berinde qoǵammen baı­la­nysty qalaı nyǵaıtamyz degen másele tóńiregenidegi paıym. Qa­lanyń tarıhyna zer salsaq, áýeli bizdiń myń jyldyq jolymyz, Bozoq qalashyǵy, Esildiń boıyn­daǵy qala, qonystardan bas­taý alady. Bul – dalanyń tarıhy. Al búgin tusaýy ke­silip jatqan jı­naqta Aq­mola astana bolǵan tustan be­rgi izdenister, ǵımarattar qam­tylǵanyn mazmunynan ańǵardyq. Ensıklopedııamen qatar dintaný­shy­lardyń tórt eńbegi de mańyzdy. Biz din týraly uǵymymyzdy naq­tylaıtyn, júıe­leıtin ke­zeńde turmyz. Laıym, bú­gingi kitap­tardyń oqyrmany kóp bolsyn.

Saltanatty jıynǵa kelgen qonaqtar tarıhı kezeńde tusaýy kesilip jatqan kitap­tar elge keń tarap, zerdeli oqyr­manyn tapsyn degen jyly lebizin bildirip, qutty bolsyn desti.