19 shildede Býrabaı aýdanynyń orman alqabynda «Ýchaske» JPISh sheńberinde jedel-izdestirý is-sharalaryn júrgizý kezinde qonaqúılerdiń biriniń janynan markasy men nómiri joq bir oqpandy myltyqtyń kesindisi, sondaı-aq onyń 4 patrony tabyldy, dep habarlaıdy Egemen.kz.
Tabylǵan qarý men patrondarǵa qatysy bar bolýy múmkin adam anyqtaldy. Qazirgi tańda ózge tergeý áreketteri júrgizilip jatyr.
Osy derekke qatysty Aqmola oblysynyń polısııa departamenti QR QK-niń 287-babynyń 2-bóligi (Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergep-tekserý amaldaryn bastady.