Bıyl elordada ataýly áleýmettik kómek alýshylar sany 2019 jylmen salystyrǵanda 2,3 esege tómendedi. Elordada ony qansha adam alatyny týraly Astana qalasynyń jumyspen qamtý jáne áleýmettik qorǵaý basqarmasy basshysynyń orynbasary Aıgúl Talasova onlaın-brıfıng barysynda málim etti, dep habarlaıdy Egemen.kz qala ákimdiginiń resmı saıtyna silteme jasap.
Jyl basynan beri AÁK 2809 otbasyǵa (13,8 adam), onyń ishinde 1361 kópbalaly otbasyǵa (8,6 myń adam) taǵaıyndaldy.
Ataýly áleýmettik kómek alýshylardyń sany bıyl 2019 jylmen salystyrǵanda 2,3 esege – 9,4 myńnan 4 myń otbasyǵa deıin tómendedi.
«Jyl basynan beri aqshalaı tólem túrinde AÁK alýshylar qatarynan 4562 balaǵa (2441 otbasy) 1,5 AEK (5 175 teńge) mólsherinde qoldaý retinde qosymsha tólem belgileý jolymen monetızasııa júzege asyryldy. Bul AÁK alatyn otbasylarǵa azyq-túlik jıyntyqtaryn óz betinshe satyp alýǵa múmkindik berdi», dedi Aıgúl Talasova.
AÁK taǵaıyndaý máselesin qaraý úshin Astana qalasy, Beıbitshilik kóshesi, 14-úı mekenjaıynda ornalasqan «Januıa» otbasy ınstıtýtyn qoldaý ortalyǵyna júginý (tel. 27-23-23) nemese www.egov.kz elektrondyq úkimet portaly arqyly ótinim berý qajet.