Astanada muqtaj turǵyndarǵa júıeli túrde kómek kórsetiledi, onyń ishinde AÁK te bar. Ataýly áleýmettik kómek alýǵa kim úmitker bola alady? Bul suraqqa qalanyń jumyspen qamtý jáne áleýmettik qorǵaý basqarmasy basshysynyń orynbasary Aıgúl Talasova jaýap berdi, dep habarlaıdy Egemen.kz elorda ákimdiginiń resmı saıtyna silteme jasap.
Ataýly áleýmettik kómekti jan basyna shaqqandaǵy ortasha kirisi kedeılik sheginen aspaıtyn Qazaqstan Respýblıkasynyń azamattary, Qazaqstan Respýblıkasynda turaqty turatyn qandastar, bosqyndar, sheteldikter jáne azamattyǵy joq adamdar alýǵa quqyly.
«Astana qalasy boıynsha kedeılik sheginiń mólsheri osy jyldyń 3 toqsanynda 37 317 teńgeni qurady. Otbasynyń nemese jeke adamnyń áleýmettik jaǵdaıyna baılanysty kómek eki túrge bólinedi: shartsyz jáne shartty», dedi spıker.
Sonymen shartsyz aqshalaı kómek mynadaı sanattaǵy turǵyndarǵa kórsetiledi:
Jumyspen qamtýǵa járdemdesý sharalaryna qatysýǵa múmkindigi shekteýli jalǵyzbasty jáne (nemese) jalǵyz turatyn kirisi az adamdarǵa: - osy Kodekstiń 207-babynyń 1-tarmaǵynda belgilengen zeınetkerlik jasqa tolýyna; birinshi nemese ekinshi toptaǵy múgedektigine; eki aıdan astam eńbekke ýaqytsha qabiletsizdik merzimi belgilenýi múmkin aýrýynyń bolýyna baılanysty; Quramynda eńbekke qabiletti adamdary joq nemese eńbekke qabiletti jalǵyz múshesi úsh jasqa deıingi balaǵa, múgedektigi bar balaǵa, birinshi nemese ekinshi toptaǵy múgedektigi bar adamǵa, bógdeniń kútimine jáne kómegine muqtaj qartqa kútimdi júzege asyratyn kirisi az otbasylarǵa kórsetiledi.Al shartty aqshalaı kómek kórsetiledi:
Shartty aqshalaı kómek osy baptyń 4-tarmaǵynda kórsetilgen adamdardy (otbasylardy) qospaǵanda, jalǵyzbasty jáne (nemese) jalǵyz turatyn kirisi az eńbekke qabiletti adamdarǵa, sondaı-aq otbasy quramynda eńbekke qabiletti múshesi (músheleri) bar kirisi az otbasylarǵa ol (olar) jumyspen qamtýǵa járdemdesý sharalaryna qatysqan jaǵdaıda jáne (nemese) qajet bolǵanda áleýmettik beıimdeý kezinde kórsetiledi.Áleýmettik kelisimshart jasasý shartty aqshalaı kómek taǵaıyndaýdyń mindetti talaby bolyp sanalady. Shartty aqshalaı kómekti alýshylarmen áleýmettik kelisimshart shartty aqshalaı kómek taǵaıyndaý kezeńine jasalady. Qazaqstan Respýblıkasy Eńbek jáne halyqty áleýmettik qorǵaý mınıstriniń 2023 jylǵy 29 mamyrdaǵy № 181 buıryǵymen bekitilgen memlekettik ataýly áleýmettik kómek alýǵa úmitker adamnyń (otbasynyń) jıyntyq tabysyn esepteý qaǵıdalaryna sáıkes otbasynyń jıyntyq tabysyn esepteý kezinde tabystyń mynadaı túrleri eskeriledi:
eńbekaqy, áleýmettik tólemder túrinde alynatyn kirister, onyń ishinde keıbir áleýmettik tólemder ; quramynda 4 jáne odan da kóp balasy bar kóp balaly otbasylarǵa arnaýly memlekettik járdemaqy; «Neke (erli-zaıyptylyq) jáne otbasy týraly» 2011 jylǵy 26 jeltoqsandaǵy QR Kodeksinde kórsetilgen balalar men adamdarǵa alıment túrindegi kirister; kásipkerlik qyzmetten túsetin kirister; jyljymaıtyn múlik pen kólik quraldaryn jalǵa berýden jáne satýdan túsken kirister;baǵaly qaǵazdardan túsetin kirister; jyljymaıtyn múlikti, kólik quraldaryn jáne basqa múlikti syıǵa tartý, muragerlik túrinde alynǵan kirister; óteýsiz alynǵan aqsha túrindegi kirister; aqshalaı salymdar men depozıtter boıynsha syıaqylar (múdde) túrindegi kirister; jazbasha ótinishpen rastalǵan ózge de kirister.