Abaı oblysynda bıylǵy jyldyń alǵashqy jartyjyldyǵynda barlyǵy 11 773 (onyń ishinde turaqty 7 242) jumys orny quryldy, dep habarlaıdy Egemen.kz oblys ákimdiginiń telegram paraqshasyna silteme jasap.
Abaı oblysy ákimdiginiń aqparatynsha, aımaqtyń áleýmettik-ekonomıkalyq damýynda turaqty ósim baıqalyp otyr.
«Osy jyldyń alǵashqy alty aıynda óńir kásiporyndary 673,6 mlrd teńgege ónim óndirdi. Negizgi úlesi – 56,3% taý-ken ónerkásibi jáne kenoryndaryn qazýǵa tıesili. Bul salada 379,5 mlrd teńgege, al óńdeý ónerkásibinde 269,2 mlrd teńgege ónim shyǵaryldy. О́ńirde aýyl sharýashylyǵy belsendi damyp keledi. Bul salada jalpy ónim kólemi 143,7 mlrd teńgeni qurady», delingen habarlamada.
Oblys kólemi boıynsha egis egý naýqany tolyǵymen aıaqtalǵan. Onyń kólemi jalpy 654,2 ga aýmaqty qurady.
«Onyń ishinde dándi daqyldar – 297,3 myń ga, maıly daqyldar – 306,2 myń ga, kartop – 7,7 myń ga, kókónister – 3,6 myń ga, baqsha daqyldary – 2 myń ga. Investısııa tartý boıynsha jumysqa erekshe kóńil bólinip jatyr. О́tken alty aıda óńirge 230,5 mlrd teńge tartyldy. Abaı oblysynda qurylys belsendi qarqynmen júrgizilýde. Qurylys jumystarynyń kólemi 63,1 mlrd teńgeni qurady. Jyl basynan beri 130,1 myń sharshy metr turǵyn úı paıdalanýǵa berildi», delingen málimette.
Birinshi jartyjyldyqta oblysta 11 773 jumys orny qurylǵan, onyń 7 242-si turaqty.
«Jumyspen qamtý organdaryna jumysqa ornalasý úshin 12 282 adam júgingen, onyń ishinde 6 512 adam jumysqa ornalastyryldy. Aqyly qoǵamdyq jumystarǵa – 3 074 adam jiberildi», delingen aqparatta.