Buqaralyq sportty damytýǵa baǵyttalǵan Memleket basshysynyń tapsyrmasyn oryndaý maqsatynda Qazaqstan fýtbol federasııasy elimizde fýtbol alańdaryn qaıta jańartý baǵdarlamasyn engizdi.
QFF baspasóz qyzmetiniń málimeti boıynsha, úsh jylǵa arnalǵan baǵdarlama ÝEFA-nyń qoldaýymen júzege asyrylady. Sondaı-aq joba aıasynda jeke ınvestısııalardy tartý josparlanyp otyr. Jobanyń basty maqsaty – fýtbol ınfraqurylymy men buqaralyq fýtboldy damytýǵa jaǵdaı jasaý.
Bıyl baǵdarlama aıasynda Almaty qalasyndaǵy AOSK stadıony, Jetisý oblysynyń Balpyq bı aýylyndaǵy B.Ońǵarov atyndaǵy stadıon, Shymkent qalasyndaǵy «Sementnık», Aqtóbe qalasyndaǵy №2 BJSM jáne Aqtaýdaǵy «Kaspıı» SK endi.