Aldaǵy ýaqytta kólik júrgizýshilerine qaǵaz júzindegi «tehnıkalyq baıqaý» qujatyn alyp júrýdiń qajeti bolmaıdy, dep habarlaıdy Egemen.kz
QR Indýstrııa jáne ınfraqurylymdyq damý mınıstrliginiń málimdeýinshe, vedomstvo «Ulttyq aqparattyq tehnologııalar» AQ men birlesip, avtokóliktiń tehnıkalyq baıqaýdan ótkenin kýálandyratyn qujatty sıfrly formatqa kóshirý boıynsha jumysty qolǵa alǵan. Endi «Tehnıkalyq baıqaýdyń dıagnostıkalyq kartasy» elektrondy úkimettiń mobıldi qosymshasynyń jeke kabınetinde saqtalatyn bolady.
Osy kúnderi IT mamandary arnaıy servısti ázirlep, tehnıkalyq jumystardy júrgizip jatyr. Osy qyzmettiń alǵashqy nusqasy aldaǵy 1 qyrkúıekte EgovMobile platformasynda iske qosylady dep josparlanýda.
Atalǵan jobanyń josparyna sáıkes qujattyń sıfrly nusqasy qadaǵalaýshy organdardyń derekqorynda saqtalatyndyqtan ony onlaın rejimde tekserýge bolady.
Aıta ketken durys, sıfrly qujattardyń zańdy kúshi qaǵaz júzindegi analogtarmen birdeıligi óz aldyna, onyń artyqshylyǵy - sybaılas jemqorlyq táýekelderi joıylyp, qoǵamnyń senimi arta túsedi.
Bul rette esterińizge salaıyq, bıyl kóktemde VIII shaqyrylymdaǵy Parlamenttiń birinshi sessııasynda Memleket basshysy Úkimetke sıfrlandyrýdy kúsheıtip, bıýrokratııalyq rásimderdi barynsha azaıtýdy tapsyrǵan bolatyn.