Quqyq buzýshylyqtar oryn alǵan jaǵdaıda, endi shaǵyn kólikterge de aıyppul salynady, dep habarlaıdy Egemen.kz.
Prezıdent 29 maýsym kúni «Jol qozǵalysyn uıymdastyrý máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zańǵa qol qoıǵany málim. Resmı túrde jarııalanǵan atalmysh Zań 30 tamyzdan bastap qoldanysqa engiziledi. Sol zań arqyly «Jol qozǵalysy týraly» zańǵa túzetýler engizilip, kólik quraldarynyń jańa túrleri: «Shaǵyn elektr kólik quraldary» men «Elektr skýteriniń» mártebeleri anyqtaldy.
Gıroskýterler, sıgveıler, monokólikter, elektr skeıtbordtar jáne basqa túrleri shaǵyn elektr kóligi retinde sanalady.
Al elektroskýter - eki nemese úsh dóńgelegi bar, elektr qozǵaltqyshyn paıdalaný arqyly bir adamnyń qozǵalýyna arnalǵan, oryndyǵy joq, maksımaldy konstrýktıvtik jyldamdyǵy saǵatyna 25 shaqyrymnan aspaıtyn kólik quraly.
Quqyq buzýshylyqtar anyqtalǵan jaǵdaıda, bul shaǵyn kólikterdiń ıeleri ÁQBtK 593-baby (5 AEK aıyppul) nemese ÁQBtK 620-baby (eskertý nemese 3 AEK aıyppul) boıynsha jaýapqa tartylady.