Jerorta teńiziniń ortalyq bóliginde, dálirek aıtqanda Italııaǵa jaqyn mańda qaıyq apatqa ushyrap, 41 mıgrant sýǵa batty, dep habarlaıdy Egemen.kz Habar 24 arnasyna silteme jasap.
3 tamyzda Týnıstiń Sfaks qalasynan jolǵa shyǵyp, qatty tolqynnyń kesirinen apatqa ushyraǵan qaıyqta 45 adam bolǵan. Olardyń arasynda 3 bala bar.
«Qyzyl Krest» uıymy 4 jolaýshynyń tiri qalǵanyn habarlady.
«Italııanyń jaǵalaý kúzeti Lampedýza aralynda 4 mıgrantty qutqaryp qaldy. Olar apattan keıin sýda júzip kele jatqan. Olardyń aıtýynsha, qaıyqtyń qozǵaltqyshy isten shyqqan», dedi «Qyzyl krest» uıymy bas hatshysynyń orynbasary Ignasıo Shıntý.