Qarjy jáne bıýdjet komıtetiniń tóraǵasy Qaırat Ishanov bastaǵan Senat depýtattary Halyqaralyq valıýta qorynyń Qazaqstandaǵy mıssııasynyń ókili – Taıaý Shyǵys jáne Ortalyq Azııa elderi departamenti dırektorynyń orynbasary Davıd Oýenmen kezdesti.
Álemdik qarjy daǵdarysyn eńserýdegi Halyqaralyq valıýta qorynyń belsendi rólin atap óte kelip, Q.Ishanov Qazaqstan men osy halyqaralyq qurylymnyń ózara is-qımylynyń mańyzyna toqtaldy. Qazaqstan ekonomıkasy aldynda turǵan máselelerdi zańnamalyq turǵyda qamtamasyz etý jaıyna qatysty Q.Ishanov qarjy-nesıe jáne valıýta saıasatyn jetildirý sharalary men bıylǵy jyldyń bıýdjet kórsetkishterin naqtylaý jóninde aıtty.
D.Oýenniń aıtýynsha, “ekonomıkanyń tutastaı jáne jekelegen salalaryn” júıeli jáne jedel túrde “memlekettiń qoldaýy Qazaqstan Úkimetine basqa elderdiń ekonomıkasy tap bolǵan kúrdeli máselelerdi jyldam sheshýge múmkindik berdi”. Kezdesýge qatysýshylar Halyqaralyq valıýta qorynyń tehnıkalyq kómek berý men oqytýǵa qatysty jumystary týraly máselelerdi de talqylady, dep habarlady Parlament Senatynyń baspasóz qyzmeti.