Búgin «QazMunaıGaz» UK» AQ aksıonerleri kezekten tys jalpy jınalys ótkizdi. Jıyn qorytyndysy boıynsha Ernat Berdiǵulov QMG Dırektorlar keńesiniń tóraǵasy bolyp saılandy, dep habarlaıdy Egemen.kz.
Osyǵan deıin Whiteshield Partners kompanııasynda jobalar jetekshisi, sondaı-aq «Samuryq-Qazyna» AQ-da strategııa, turaqty damý jáne sıfrlandyrý jónindegi birlesken basqarýshy dırektor retinde qyzmet etti. Qazirgi ýaqytta «Samuryq-Qazyna» AQ-nyń strategııa jáne aktıvterdi basqarý jónindegi basqarýshy dırektory qyzmetin atqarady.
QMG Dırektorlar keńesiniń burynǵy tóraǵasy, táýelsiz dırektor Krıstofer Ýolton QMG Korporatıvtik basqarý kodeksine sáıkes, 9 jyldan astam ýaqyt táýelsiz dırektor retinde ulttyq kompanııanyń Dırektorlar keńesiniń quramynda bolǵandyqtan keńes quramynan shyqty.
QMG Dırektorlar keńesiniń músheleri E.M.Otynshıev, U.S.Qarabalın, M.M.Myrzaǵalıev, A.S.Jubaev, A.Á.Arǵynǵazın, F.M.Holland qaıta saılandy. Sondaı-aq AKJJ nátıjesi boıynsha QMG DK quramyna Myńsharıpova Saıa Naımanbaıqyzy táýelsiz dırektor bolyp saılandy.