Búgin «ArselorMıttal Temirtaý» AQ kómir departamentine qarasty «Qazaqstan» shahtasynda órt boldy. Apat kezinde shahtanyń 227 qyzmetkeri jer astynda qalǵan. Sońǵy derekterge sáıkes, qutqarýshylar 222 jumysshyny jer betine shyǵardy, dep habarlaıdy Egemen.kz.
Janyp jatqan kenishten shyǵarylǵan 13 adam bas aýrýy men jótelge shaǵymdanyp, dárigerlerge júgingen.
Taǵy tórt adam aýrýhanaǵa jatqyzyldy, olardyń ekeýi – Shahtınsk qalasynyń ortalyq aýrýhanasyna, qalǵandary – oblystyq medısınalyq ortalyqqa jetkizildi.
Oqıǵa kezinde 227 adam jer astynda bolǵanyn aıta ketý kerek. Jumysshylardy evakýasııalaý búıirlik shahta arqyly júzege asyryldy.
Oqıǵa ornynda RTSSh «PVASS» jáne Tótenshe jaǵdaılar departamentiniń qyzmetkerleri jumys istep jatyr.
О́rttiń shyǵý sebepteri anyqtalýda.