Issapar maqsaty – áleýmettik nysandar

Kezdesý kezinde óńirdegi ózekti máseleler jáne áleýmettik-ekonomıkalyq ahýal, sondaı-aq oblys bıýdjetiniń oryndalýy jónindegi esep talqylandy.

Depýtat Senattyń Ekonomıkalyq saıasat, ınno­va­sııalyq damý jáne kásipkerlik komıteti óńir tur­ǵyndarynyń ómir súrý sapasyn arttyrý máselesi boıynsha yntymaqtastyq ornatýǵa daıyn ekenin jetkizdi. Sonymen qatar senator Aqtóbe qalasynyń qysqy jylytý maýsymyna daıyndyq barysymen, Qandyaǵash aýdanyndaǵy jańa deneshynyqtyrý-saýyqtyrý kesheniniń jáne aýdandyq aýrýhananyń jumysymen tanysty.

* * *

Parlament Májilisiniń depýtaty, «Aqjol» frak­sııa­synyń jetekshisi Azat Perýashev qorǵanys jáne sharýashylyq maqsatyndaǵy ónimder shyǵaratyn «Zenıt»  kásipornynda boldy.

Bes júzge jýyq adam jumys isteıtin zaýyt bú­ginde Kaspıı teńizindegi shekara qyzmetinde júr­gen kemelerdi qurastyrady. Depýtat kásiporyn sehta­ryndaǵy jumystarmen tanysyp, ujym qyz­met­ker­le­riniń suraqtaryna jaýap berdi. Zaýyt qyz­met­kerleri kásipodaqqa múshelikke ótý problemasyn qozǵady. Eńbek qaýipsizdigin qamtamasyz etý, qyz­metkerlerdiń áleýmettik-eńbek quqyqtaryn qor­ǵaý, jalaqysyn kóterý boıynsha biraz másele kóterildi. Azat Perýashev bul jaıttardy muqııat zert­tep, zańnamalyq turǵyda qoldaý kórsetýge da­ıyn ekenin jetkizdi.

Sonymen qatar Májilis depýtaty Parlamentte qabyldanyp jáne qaralyp jatqan zańdarǵa, eńbek qaýip­sizdigin qamtamasyz etý baǵytyndaǵy depýt­attar­dyń usynystaryn aıtyp, jan-jaqty túsindirip berdi.

* * *

Májilis depýtaty, «Amanat» partııa­sy fraksııa­sy­nyń múshesi Bolatbek Najmetdınuly Shymkent qalasynyń tur­ǵyn­darymen kezdesti.

Depýtat polısııa departamentiniń ujymymen júz­desip, jedel basqarý ortalyǵynyń jumysymen tanysty. Shymkentte qylmys deńgeıin jáne tótenshe jaǵdaılar qaýpin azaıtý boıynsha arnaıy is-sharalar qolǵa alynǵan. Osy rette shaharda «Qaýipsiz qala» baǵ­dar­lamasy sátti júzege asyrylyp keledi. Sony­men qatar «Qaýipsiz mektep» baǵdarlamasy aıasynda 186 memlekettik jáne jekemenshik mektepterde 3,3 myńnan astam beınebaqylaý kamerasy ornatyldy. Onyń 2,5 myńǵa jýyǵy atalǵan ortalyqqa qosylǵan. Taǵy 260-qa jýyǵy jerasty ótkelderinde, densaýlyq saqtaý nysandarynda, saýda ortalyqtarynda, dú­kender men bazarlarda qoıylǵan. Beınebaqylaý kame­­ra­larynyń kómegimen bıylǵy jeti aıda Shym­kentte 300-ge jýyq qylmys ashylyp, 33 myńnan astam ákimshilik quqyq buzýshylyq anyqtaldy.

Depýtat zańnamalyq deńgeıdegi ózgeristerdi eskere otyryp, osy kólik túrlerine baqylaýdy kúsheıtý qajet­tigine nazar aýdardy. Sondaı-aq bólingen qara­jatty tıimdi paıdalaný jáne jumys sapasyn arttyrý máselesine erekshe toqtaldy.

* * *

Syr óńirine sapary barysynda Parlament Máji­lisindegi «Amanat» partııasy fraksııasynyń múshesi Murat Ábenov Shıeli aýdany turǵyndarymen kezdesip, saılaýaldy baǵdarlamanyń júzege asý barysymen tanysty.

Depýtatpen kezdesýge júzden astam azamat keldi. Olar balalardy mektepke daıarlaýǵa beriletin qarjy­laı kómektiń ádil bólinbeýi, kópbalaly otbasynan shyqqan jáne áleýmettik az qamtylǵan balalardy mektepte ystyq tamaqpen qamtamasyz etý, medısına salasyndaǵy áleýmettik qyzmetkerlerdiń, psı­ho­­logterdiń jalaqysynyń tómendigi, bilim berý formatynyń ózgerýi, mindetti áleýmettik medı­sınalyq saqtandyrý qoryna aýdaryp otyrǵan qar­jyny tıimdi paıdalaný jóninde usynys-pikirlerin ortaǵa saldy. Máselen, aýyl turǵyny Aınagúl Zaırova bala kútimine oraı eki nemeresine mektepke daıarlaýǵa beriletin 40 myń teńgeni ala almaı otyr­ǵan­yn atap ótti. Onyń aıtýynsha, qyzy úsh balasymen qolynda otyr, ekeýi mektepte oqıdy.

Azamattardyń pikirin nazarǵa alǵan Murat Ábenov bul máseleler boıynsha tıisti mınıstrlikterge usynys beretinin aıtty.

* * *

Májilis depýtattary, «Amanat» partııasy frak­sııa­synyń músheleri Erkin Ábil men Ekaterına Smyshlıaevanyń Qostanaı oblysynda jumys saparymen bardy. Depýtattar mektep jasyndaǵy balalarǵa arnalǵan Smart-ortalyqtyń jumy­sy­men tanysyp, basqa da nysandardy aralady.

«Iýbıleınyı» shaǵyn aýdanynda salynyp jatqan Smart-ortalyq óńirdiń jol kartasyna engizilgen. Nysan 600-den astam oqýshyǵa arnalǵan. Munda robot­tehnıka jáne baǵdarlamalaý kabınetterin, kıbersport zaly, landshafty dızaın stýdııasy jáne basqa da baǵyttar boıynsha zerthanalar ashý josparlanǵan. Sonymen qatar májilismender Tele2/Altel uıaly baılanys operatorlarynyń 5G jańa býynynyń bazalyq baılanys stansasyna bardy. Oblystyq aqparattandyrý basqarmasynyń basshysy Azamat Qashıev depýtattardy jaqynda iske qosylǵan jańa baılanys munarasymen tanystyrdy. Endi qalada Tele2 jáne Altel uıaly baılanys paıdalanýshylary úshin 5G baılanysy qoljetimdi.

Budan keıin Qostanaı oblysyndaǵy aýyldardy baılanyspen qamtamasyz etý máseleleri boıyn­sha kezdesý ótti. Jıynǵa Májilis jáne oblys­tyq máslıhat depýtattary, aqparattandyrý bas­qarmasynyń ókilderi, sondaı-aq uıaly baılanys operatorlary qatysty.