Oqý-aǵartý mınıstrligi aýyldyq mektepterdegi daryndy oqýshylardy anyqtaý úshin, sondaı-aq halyqaralyq olımpıadalarǵa qatysýǵa yntalandyrý maqsatynda aýyl oqýshylaryna arnap alǵash ret 2023-2024 oqý jylynda respýblıkalyq olımpıada ótkizedi, dep habarlaıdy Egemen.kz.
Olımpıadaǵa aýyl mektepteriniń 9-11 (12) synyp oqýshylary qatysa alady. Olımpıada úsh kezennen: aýdandyq, irikteý jáne respýblıkalyq kezeńderden turady.
Qorytyndy kezeńniń qatysýshylary respýblıkalyq syrttaı oqý mektebine qosymsha bilim alýǵa qabyldaný múmkindigine ıe bolady. I-dárejeli dıplom alǵan jeńimpazdar oqý-jattyǵý jıyndaryna shaqyrtylyp, jalpy bilim beretin pánder boıynsha ulttyq olımpıadaǵa joldama alady.
Sondaı-aq Oqý-aǵartý mınıstrligi tálimger-ustazdar úshin de daıyndyq jıyndaryn ótkizýdi josparlap otyr.