«Din máseleleri boıynsha bilikti mamandar daıarlaý» jobasy aıasynda Astana qalasynda aqparattyq-túsindirý toptarynyń múshelerine arnalǵan oqytý semınarlary men trenıngteri ótkizildi, dep habarlaıdy Egemen.kz.
Din isteri komıtetiniń qoldaýymen 2023 jyldyń 16-17 tamyzynda Astana qalasynda din máseleleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵy» KMM, «Aqnıet» QQ mamandary, psıhologtary men teologtary, jergilikti ATT músheleri qatysty. Jıynda din máseleleri boıynsha túsindirý tobynyń músheleri – rıtorıka mamany Amanbek Tolqyn, «Áleýmettaný» ǵylymdarynyń kandıdaty Jaqııanov Talǵat Járdemqululy, pedagogıka jáne psıhologııa mamany Toıǵanov Myrzabek Sardarbekuly jáne neırolıngvıstıkalyq baǵdarlamalaý mamany, psıholog Seıtqalı Mırzada Shahmanuly semınar ótkizdi.
Amanbek Tolqyn «Rıtorıka. Kópshilik aldynda sóıleý daǵdylaryn meńgerý» taqyrybymen qatysýshylarǵa adam boıyndaǵy jasqanshaqtyqty joıý, daýystyń yrǵaǵy, tembri, ıntonasııany durys qoldaný, ekpindi durys qoıý, durys tynys alý mańyzdylyǵyn atap ótti. Sonymen qatar «Dıksııany jaqsartýǵa arnalǵan quraldar» taqyryby aıasynda oratorlyq sheberlikti damytýǵa baǵyttalǵyn arnaıy jattyǵýlar men ádisterdi kórsetip, trenıng ótkizdi.
Jaqııanov Talǵat Járdemqululy «Zaıyrlylyq qoǵamdyq kelisim men turaqtylytyń negizi retinde» taqyrybynda jalpy teorııalyq aqparat berip, qatysýshylarmen jumys jasady. Sondaı-aq «Qazaqstandaǵy dinı ahýal: negizgi máseleler men tendısııalar» taqyrybymen Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Toıǵanov Myrzabek Sardarbekuly «Metodologıcheskıe osnovy raboty s detmı prıverjensamı destrýktıvnyh relıgıoznyh organızasıı ı ıh rodıtelıamı» taqyryby aıasynda qatysýshylarǵa destrýktıvti dinı aǵym jeteginde ketken otbasylarmen áńgime júrgizý, baılanys ornatý jáne ózin-ózi ustaý joldaryn túsindirdi. Onyń ústine «Ideınoe protıvodeıstvıe ekstremızmý v kontekste resosıalızasıı osýjdennyh za ekstremıstkıe ı terrorıstıcheskıe prestýplenııa» taqyrybymen jazasyn óteýshilerdiń arasynda tárbıe jáne áleýmettik jumys júrgizý, psıhologııalyq beınesin anyqtaý jáne jaǵdaıdyń kúrdelenýine jol bermeý tásilderi týraly sóz qozǵady.
Seıtqalı Mırzada Shahmanuly «Boleznı EGO ı pýtı ıh ızlechenııa» taqyrybynda kezdesip, mamandardardy psıhologııalyq densaýlyqty ustap, psıhıkalyq etıkalyq prınsıpterge súıene otyrypjumys jasaý ádisterin túsindirdi. Kelesi kezekte «Vlııanıe detskıh travm na jıznedeıatelnost lıchnostı» taqyrybynda semınar oqyp, terrorızmmen ekstremızmdi týǵyzatyn psıhologııalyq aspekter, oǵan ilinetin adamdardyń sıpattamasy, jáne psıhologııalyq túp-tamyryn anyqtaý ádisterin atap ótti. Dárisker qatysýshylarǵa adamdarmen jumys jasaý kezinde stress mólsherin jeńildetýge baǵyttalǵyn trenıng ótkizdi.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.