Taıaý kúnderi Nıý-Iorkte bastalatyn AQSh-tyń ashyq birinshiliginiń irikteý saıystarynda Qazaqstannyń tennısshileri kimderge qarsy oınaıtyny belgili boldy.
ATR reıtınginde 128-orynda tuǵan Tımofeı Skatov úzdikter tiziminde 240-satyǵa jaıǵasqan japonııalyq Kaıchı Ýchıdomen sheberlik baıqasady. Álemniń 243 raketkasy Mıhaıl Kýkýshkın ıtalııalyq Mattıa Belýchchımen kúsh synasady. 22 jastaǵy Apennın túbeginiń ókili reıtıngte 184-oryndy enshileýde. Al jarystyń negizgi bóliginiń jekelegen saıysynda Aleksandr Býblık, Elena Rybakına jáne Iýlııa Pýtınseva óner kórsetedi. Juptyq básekede Aleksandr Nedovesov pen Andreı Golýbev jáne Anna Danılına baq synaıdy.
AQSh-tyń ashyq birinshiliginiń júlde qory bıyl 29 488 400 dollardy qurap otyr. Bas júldeni oljalaǵan tennısshi 3 000 000 alsa, fınalda utylǵandarǵa sol somanyń teń jartysy beriledi. Al alǵashqy aınalymda súringender 22 000 dollardy qaltasyna basady.