Aınalasy on kún ótti, ótkendegi «Qazaqstan» shahtasyndaǵy apatty jaǵdaıdan keıin taǵy da «ArselorMıttal Temirtaý» AQ kompanııasyna tıesili «Saran» shahtasynan órt shyqty. Kenshiler aman. Al alpaýyt kompanııa qaýipsizdik sharalaryna kelgende áli de qamsyz, alańsyz sekildi...
Kompanııanyń baspasóz qyzmeti atalǵan shahtadan tilsiz jaý túnde shyqqanyn, arnaıy qutqarý toby jedel qımyldap, jer astyndaǵy kenshilerdi aman-esen alyp shyqqanyn habarlady.
«27 tamyz kúni saǵat 01.55-te «Saran» shahtasynan órt shyǵyp, apatty joıý jospary engizildi. О́rt sóndirildi. Barlyq jumysshy jer betine shyqty. Zardap shekkender joq, sebepteri men mán-jaıy anyqtalyp jatyr», dep málimdedi «ArselorMıttal Temirtaý» AQ baspasóz qyzmeti.
О́rt oryn alǵan túni Saran shahtasynda 187 adam jumys istep jatqan. Tórt kenshi kensharda bolǵan. Búginde órttiń shyǵý sebepteri anyqtalyp jatyr. Tilsiz jaý sol kúni saǵat 04.00-de aýyzdyqtalǵan.
О́tken jeksenbi kenshiler kúni edi. Biraq bul mereke bıyl sán-saltanatymenen atalyp ótpedi. «Qazaqstan» shahtasyndaǵy qaıǵyly jaǵdaıǵa baılanysty oblys ákimdigi óńirdegi saltanatty is-sharalardy toqtatqan edi.
Qaraǵandy oblysy