Sybaılas jemqorlyqqa qarsy qyzmet Almaty oblysy ákimdiginiń ishki saıasat basqarmasy 18,4 mıllıon teńgege satyp alǵysy kelgen syılyq jıyntyǵyna qatysty tekseris júrgizdi, dep habarlaıdy Egemen.kz.
- «Satyp alýlardyń biryńǵaı terezesi» aqparattyq júıesi kórsetkendeı, osyǵan uqsas jıyntyqtardyń ortasha quny nebári 3 500 teńge, ıaǵnı baǵa 525 373%-ǵa artyq kórsetilgen, - delingen vedomstvo habarlamasynda.
Sybaılas jemqorlyqqa qarsy qyzmet arnaıy tekseris júrgizgennen keıin basshylyq satyp alý josparyn naryqtyq baǵaǵa sáıkestendirdi. Osylaısha, 18,4 mıllıon teńgeniń utymsyz jumsalýynyń joly kesildi.
«Jyl basynan beri Almaty oblysy boıynsha Sybaılas jemqorlyqqa qarsy qyzmet tarapynan óńirdiń memlekettik organdarynyń satyp alý portalynyń monıtorıngi sheńberinde 800 mln.teńgeni maqsatsyz paıdalanýǵa jol berilmedi», dep qosty vedomstvo ókilderi.