Jaǵymdy jańalyqty búgin atalǵan bilim ordasynda ótken alǵashqy qońyraý saltanatyna qatysyp, ustazdar men oqýshylardy quttyqtaǵan oblys ákiminiń orynbasary Rınat Muhametqalıev aıtty.
«Bıyl 115-shi mektepke Alash qaıratkeri, qazaqtan shyqqan alǵashqy zańger, HH ǵasyrdyń basynda qazaq jerinde saıası-quqyqtyq oı-pikirdiń qalyptasyp, damýyna eleýli úles qosqan qoǵam qaıratkeri Ahmet Birimjanovtyń esimi berilgeli otyr. Bolashaqta Ahmetteı atalaryńnyń atyna saı, elshil, adal, bilimdi azamat bolyp qalyptasýlaryńa tilektespin!», dedi Rınat Zákıuly.
Atalǵan bilim oshaǵy buryn taza orys mektebi bolǵan. Keıin aralas mektepke aýystyrylyp, birte-birte orys synyptary azaıtyla bastady. Byltyrdan beri tolyqqandy qazaq mektebine aınaldy. Bolashaq Birimjanov mektebinde 480-ge jýyq shákirt oqıdy. О́tken jyly 2 birinshi synyp bolǵan eken, bıylǵy oqý jyly birinshi synyptardyń sany úsheýge jetti.
Alǵashqy qońyraýdan keıin mektep qabyrǵasyn tuńǵysh attaǵan baldyrǵandar «Mektebim – meıirim mekeni» atty biryńǵaı synyp saǵatyna qatysty.