Memleket basshysy Qasym-Jomart Toqaevtyń «Ádiletti Qazaqstannyń ekonomıkalyq baǵdary» atty Qazaqstan halqyna arnaǵan Joldaýynda aıtylǵan árbir bastamanyń, naqty mindetterdiń júzege asyrylýy mańyzdy. Bul oraıda Prezıdent aıtqandaı, qoǵamdyq sana, azamattardyń nıeti ózgerýi kerek.Árqaısymyzdyń isimiz ben sózimiz bir jerden shyǵýǵa tıis.
Prezıdent aıtqan «Halyq únine qulaq asatyn memleket» qaǵıdatyn iske asyrý boıynsha «Amanat» partııasynyń halyqpen tyǵyz baılanysta jumys istep, birqatar ıgi sharany júzege asyryp kele jatqanyn aıta ketken jón. Mysaly, «Aýyl amanaty», «Jer amanaty» baǵdarlamalarynyń júzege asyrylýyna qomaqty úles qosýda. Sondaı-aq partııanyń «Quqyqtyq kómek», «Qaryzsyz qoǵam» syndy jobalarynyń da kópshilikke kóp kómegi tıip keledi. Memleket basshysy Joldaýda «Amanat» partııasynyń «Qaryzsyz qoǵam» jobasyn erekshe atap ótti.
Turǵyndardyń qarjylyq saýatyn arttyrý maqsatynda Túrkistan oblysynyń aýdan, aýyldarynda kóptegen is-shara ótkizip, bilimin arttyrǵan turǵyndarǵa sertıfıkattar tabys etken bolatynbyz. Qoljetimdi nesıeler, qarjy uıymdarynyń joǵary paıyzdyq mólsherlemeleri, eń bastysy, qarjylyq saýattylyqtyń tómendigi – jyl saıyn halyqtyń qaryzynyń ósýin arttyrady. Turǵyndardyń qaryz aýyrtpalyq máselesi júıeli sheshimdi qajet etedi. Iаǵnı qarjylyq saýat boıynsha júzege asyrylyp jatqan partııalyq joba turǵyndarǵa tıimdi qyzmet eteri sózsiz.
Sondaı-aq Joldaýda aıtylǵan fıskaldyq organdar men salyq tóleýshiler arasyndaǵy ózara is-qımyldyń servıstik modeline kóshýdi qamtamasyz etý qajettigi de halyq qoldaýyna ıe bolary anyq. Prezıdent salyqtyq baqylaýdy tolyq sıfrlandyrýdy júrgizý jáne salyqtyq eseptilik nysandaryn 30 paıyzǵa qysqartý qajettigin aıtty. Salyq saıasatyndaǵy bastamalar el ekonomıkasynyń damýyna oń septigin tıgizeri sózsiz. Transshekaralyq sý máselesiniń oń sheshimin tabýyna qatysty, agroónerkásipti damytýda qolda bar múmkindikterdi tolyq paıdalaný, aýdan, qala ákimderin saılaýǵa baılanysty aıtylǵan naqty tapsyrmalar júzege asyrylýymen qundy bolmaq. Bul – halyq oryndalýyn jáne sheshimin tabýyn kútip otyrǵan máseleler. Memleket basshysynyń kreatıvti ındýstrııa óndirisine qarjy tartý joldaryn jeńildetý jónindegi bastamasy da mańyzdy. «Qazir kreatıvti ındýstrııa ortalyqtary úsh iri qalada (Astana, Almaty, Shymkent) shoǵyrlanǵan. О́ńirler bul turǵyda nazardan tys qalyp otyr. Muny túzetý kerek. Talanttardy tartatyn shyǵarmashylyq ındýstrııanyń ortalyqtary árbir oblys ortalyǵynda, árbir iri qalada bolýǵa tıis. Ol ortalyqtar qatysýshylarǵa óz ónimderin kommersııalandyrý máselelerine kómektesý kerek», dedi Qasym-Jomart Toqaev. Bul oraıda Túrki áleminiń rýhanı astanasy mártebesine ıe bolý, sondaı-aq tarıhı qundylyǵyn eskere otyryp, Túrkistan qalasy kreatıvti klasterdi damytýda joǵary áleýetke ıe ekenin aıta ketelik. Túrkistandy jahandyq ınnovasııalyq mádenı ortalyqqa aınaldyrý maqsatynda túrki halyqtaryna ortaq Kreatıvti ındýstrııa qaýymdastyǵy qurylǵan bolatyn. Kreatıvti ekonomıkany damytý – óńirdiń básekege qabilettiligin arttyrýǵa jasalatyn mańyzdy qadam.
Altynsary ÚMBETALIEV,
«Amanat» partııasy Túrkistan oblystyq fılıalynyń tóraǵasy, oblystyq máslıhat depýtaty