Áskerge shaqyrý bastaldy

Jyl sońyna deıin jalǵasa­tyn naýqan aıasynda jergilikti atqarýshy organdardyń pýnkt­terinde 195 qalalyq jáne aýdan­dyq shaqyrý komıssııasy jumys istep jatyr. Bıylǵy áskerge qa­byldaýdyń ereksheligi – bar­lyq is-shara ashyq túrde ótedi, sondyqtan komıssııa jumysyn sarbazdardyń analary men qo­ǵam­dyq komıtet ókilderi baqylaı alady.

Osy kúzde ásker qataryna 19 myńnan astam jas alynady dep kútilip otyr. Onyń ishinde Qa­rý­ly kúshter qataryna 8 myń­nan astam, Ulttyq ulanǵa – 6 myń, UQK Shekara qyzmetine – 3 myń, Memlekettik kúzet qyz­me­­tine jáne Tótenshe jaǵdaı­lar mınıstrligine 300 adam sha­qyrylady.

Azamattardy merzimdi áskerı qyzmetke daıarlaý jáne áskerge shaqyrý – úzdiksiz júrgiziletin úrdis. Ýchaskelerge tirkelgen sátten jergilikti áskerı basqarý organdary áskerge shaqyrylýǵa jatatyn azamattardy júıeli túr­de zerdeleýdi bastaıdy. Ol úshin onyń qujattaryn oqyp qana qoımaı, jas jigittermen tájirıbe jumystary da júr­giziledi.

Kezekti naýqan qarsańynda barlyq óńirde shaqyrý komıs­sııa­laryn basqaratyn oblys, qala jáne aýdan ákimder­i oryn­basarlarynyń basshyly­ǵymen shaqyrý jáne medısınalyq komıssııalary múshelerimen nusqaý-ádistemelik sabaqtar ótti. Memleket basshysynyń tapsyrmasymen qorǵanys vedomstvosy múddeli memlekettik organdarmen birlesip, merzimdi áskerı qyzmetshilerdiń jáne olardyń otbasy músheleriniń áleýmettik ál-aýqatyn jaqsartý úshin merzimdi áskerı qyzmettiń abyroıyn ósirý jáne bedelin arttyrý jónindegi jumysty jol­ǵa qoıǵan. Sonyń biri – bú­gin­de merzimdi qyzmetke alyn­ǵan sarbazdarǵa nesıelik ka­nı­­kýl beriledi. Iаǵnı ol ásker­den oralǵansha nesıe tóleý shegeriledi.

Qarýly kúshterdiń, bas­qa da áskerler men áskerı qu­ra­lymdardyń oqý ortalyqta­ryn­da sarbazdar áskerı-eseptegi ma­man­dyqtar boıynsha daıarlanyp, olarǵa memlekettik úlgidegi kýálik beriledi. Bular – el ekonomıkasy úshin suranystaǵy mamandyqtar.

Qorǵanys mınıstrligi 70-ten astam joǵary jáne joǵary oqý ornynan keıingi bilim berý meke­mesimen merzimdi áskerı qyz­met ótkergen azamattar úshin bilim berý sektorynda qo­sym­sha jeńildikter berý týraly kelisimge qol qoıdy. Bıyl joǵary oqý oryndaryna tegin bilim alý úshin áskerde qyzmet etken 180-nen asa, aqyly túrde oqýǵa 400-den asa adam tústi.

Qazirgi ýaqytta áskerı min­det­tiler men áskerge shaqyry­lý­shylardy esepke qoıý jáne shyǵarý turǵylyqty jeri ózger­gen kezde avtomatty túrde júzege asyrylatynyn bilgen jón. Sol sııaqty jýyr­da shaqyrý ýchas­kelerine tirkeý týraly kýálikter berý jáne boryshyn ótemegen azamattarǵa áskerı bıletter berý úrdisi joıy­lady.