Jańa maýsym – keń tynys

2 qyrkúıekte ótken merekelik is-sharaǵa ulttyq mádenıetti álemdik keńistikte tanytyp júrgen mádenıet maıtalmandary men óner juldyzdary qatysty. Mádenı keshke «Qazaqkonserttiń» solısteri men óner ujymy, «astana musical» memlekettik teatry, «Turan» etno-fol­klorlyq ansambli, «Gúl­der» an­sambli, «Astana sazy» fol­klor­lyq ansam­bli, «Halyq qazynasy» dás­túrli óner ortalyǵy, estrada jáne klas­sıkalyq óner bóliminiń solısteri, son­daı-aq Qazaqstannyń Eńbek sińirgen mádenıet qaıratkeri Qurmash Mahan, Bıbigúl Januzaq, Saltanat Ahmetova, Álisher Karımov, «Daryn» memlekettik jastar syılyǵynyń laýreattary Rý­hııa Baıdúkenova, Azat Malık, respýb­lıkalyq jáne halyqaralyq baıqaý­lardyń laýreaty Dıdar Ábdýhalyq jáne «Qazaqkonserttiń» barlyq shyǵar­ma­shylyq ujymy men ártisteri qatysty.

Al 3 qyrkúıek kúni «Turan» etno-folklorlyq ansambli «Bridge of times» atty jańa biregeı joba usyndy. Kesh baǵdarlamasynda folklorlyq jáne sımfonııalyq úzdik týyndylar oryndaldy. Is-sharada kompozıtor Aqtoty Raıymqulova, belgili opera ánshisi, «Ita­lııa juldyzy» ordeniniń kavaleri Medet Chotabaev, opera ánshisi, Arrıgo Boıto atyn­daǵy konservatorııanyń magıstri (Ita­lııa) Áıgerim Altynbek, pıanıst, kon­sertmeıster Dına Mırmanova óner kórsetti.

4 jáne 5 qyrkúıek kúnderi «Djaz keshteri» halyqaralyq festıvali ótip, jam-session-ǵa «Qazaqkonsert» sahnasynda úzdik djaz toptary sahnaǵa shyqty. Mýzykalyq keshke qatysqan óner ujymy men solısteriniń qatarynda Aıjan Nurmaǵambetova, Janna Orynbasarova, Ǵazıza Gabdrahımova, Gúlnár Kóshe­nova, Saltanat Meńdiǵalıeva, «Saz&Soul» vokaldy-aspapty ansambli, Shy­ǵys Qazaqstan oblysy Mádenıet basqar­masynyń «Ertis konsert» RMQK «Big Band», Qaraǵandy oblysy má­denıet, muraǵattar jáne qujattama bas­qarmasy Qalı Baıjanov atyndaǵy Qaraǵandy konserttik birlestiginiń, «Qos­tanaı qalalyq mádenıet jáne tilderdi damytý bólimi» MM «Djaz Big Band», Isa Baızaqov atyndaǵy Pavlodar oblystyq fılarmonııasynyń «Bıg Bend» djaz-orkestrleri men solısteri, «Astana» estradalyq-sımfonııalyq orkestri quramyndaǵy «Jiger» estradalyq-djaz ansambli, «Shabyt» shyǵarmashylyq ujy­­my, «Jam-session trio» trıosy, «Gulder Band» ansambli ónerlerimen bólis­ti. Al keshtiń basty qonaqtary – О́zbek­stannyń halyq ártisi Mansýr Tash­matov jáne О́zbekstan memlekettik fılar­monııasynyń solısi (saksofon) Azızbek Ismatýllaev boldy.

Uıymdastyrýshylardyń aıtýynsha, djaz festıvali kórermenge jańa esimderdi ashýǵa arnalǵan. «Qazaqkonsert» quryl­ǵan kezden bastap birneshe jyl boıy mádenıet pen ónerdiń ordasyna aınaldy. Eli­mizdegi eń iri konserttik uıym búginde kópjyldyq dástúr boıynsha res­pýblıkanyń úzdik ártisteri men shyǵar­mashylyq ujymdaryn shoǵyrlandyra oty­ryp, mádenı tarıhty laıyqty jal­ǵastyryp keledi», dedi uıym dırektory.

Jańa maýsymnyń jańalyqtary týra­ly Ortalyq kommýnıkasııalar qyz­meti alańynda ótken brıfıngte Roza Baǵ­lanova atyndaǵy «Qazaqkonsert» mem­lekettik konserttik uıymynyń dırektory Aqtoty Raıymqulova baıandady.

«Aldaǵy maýsym keremet oqıǵalarǵa toly bolmaq. Jańa jobalardyń jurt­shylyqtyń qyzyǵýshylyǵyn týdyratynyna senimimiz mol. Sebebi bizdiń turaq­ty kórermenimiz jazǵy demalys aıaqtal­ǵannan keıin súıikti ártisterimen kezdesýdi asyǵa kútedi. Aıta keteıin, ótken 62-shi konserttik maýsymdy oıda­ǵydaı aıaqtap, maqsatymyzǵa qol jet­kizdik. Bul maýsymda shyǵarmashylyq ujym­dar men ártister úshin gastroldik sapar­lar men túrli jobaǵa jáne aıtar­lyqtaı oqıǵaǵa toly boldy. Jyl boıy «Qazaq­konserttiń» ártisteri men shyǵar­­mashylyq ujymdary respýb­lıkalyq, halyqaralyq jáne álemdik týrne boıynsha 379 is-sharaǵa qatysty. Halyqaralyq gastrolde 35 konsert, 2 spektakl (AQSh, Fransııa, Shveısarııa, Slovenııa, Bel­gııa, Aýstrııa, Horvatııa, Majarstan, Italııa, Brazılııa, Ońtústik Koreıa, Reseı, Germanııa, О́zbekstan, Qyr­ǵyzstan) qoı­dy. Al res­pýblıka kóle­min­de 72 konsert, 6 spek­takl usyndy», dedi uıym dırektory.

Sondaı-aq ol Qazaqstannyń halyq ártis­i Altynbek Qorazbaevtyń, Qazaq­stannyń Eńbek Erleri Aıman Musa­hodjaevanyń, Roza Rymbaevanyń, kompo­zıtor, Qazaqstannyń eńbek sińir­gen qaıratkerleri Tólegen Muhamed­janov pen Erkesh Shakeevtiń shyǵar­mashylyqtaryna arnalǵan jeke kon­sertteri ótkenin atap ótti.

«Roza Baǵlanova atyndaǵy «Qazaq­konsert» memlekettik uıymynyń ártis­teri men shyǵarmashylyq ujymdary «El birligi – Jańa Qazaqstan» jobasy boıynsha 2022 jylǵy tamyzdan bas­tap, 2023 jylǵy tamyz aralyǵynda el ishindegi gastroldik sapar­larda 30 000 shaqyrymnan astam jol júrip ótti. Gastroldik is-sharalarmen el ishinde 65 000 kórermen qamtyldy. Osy joba boıynsha 2022 jyly «Qazaqkonsert» ujymy gastroldik saparmen jańa oblystar – Abaı, Ulytaý, Jetisýdyń jáne Shyǵys Qazaqstan,Túrkistan, Jambyl oblystarynyń eldi mekenderin aralap, óńir turǵyndaryna arnaıy konsert berip qaıtqan bolatyn. Al bıyl naýryz-sáýir aılarynda Mańǵystaý, Atyraý, Batys Qazaqstan, Aqtóbe oblystarynda gastroldik saparmen bolyp, halyqqa óz ónerlerin pash etti. Sondaı-aq atalǵan joba Qostanaı oblysynyń birqatar aýdanynda Qazaqstannyń Eńbek sińirgen ártisi, «Qurmet» ordeniniń kavaleri Aıjan Nurmaǵambetovanyń sahnadaǵy shyǵarmashylyǵyna 45 jyl tolýyna oraı uıymdastyryldy. Jyl aıaǵyna qaraı dál osy ıgi istiń jalǵasy retinde «Qazaqkonserttiń» solısteri men óner ujymy Qyzylorda óńirine issaparǵa shyǵady», dedi A.Raıymqulova.

Iá, ótken maýsym jańadan jasaqtalǵan «Gúlder» ansambliniń Astana, Almaty jáne Kókshetaý qalalarynda ótken tusaýkeser konsertterimen de este qal­dy. Bıshiler Qyrǵyzstan, О́zbekstan elderine issaparǵa shyǵyp, ónerlerin kórsetip qaıtqan edi.

«Sonymen qatar «Astana musical» memlekettik teatrynyń reper­týarynda «Ent tapsyrmaımyn», «Dostar serti», «Covid» spektaklderi bolsa, byltyr Balalar jylyna oraı arnaıy balalar úshin «Aldar kóse» mıýzıkli endi. «Astana musical» teatry Qazaqstandaǵy jáne Ortalyq Azııadaǵy tuńǵysh memlekettik mıýzıkl teatr bolyp sanalady. Maýsym aıynda teatrdyń halyqaralyq festıvalda birden eki júldeni jeńip alýyn elordanyń mádenı ómirindegi aıtýly oqıǵa dep bilemiz. Ońtústik Koreıanyń «daegu international musical festival» festıvalinde «Roza Baǵlanova» mıýzıkli «Úzdik halyq­aralyq mıýzıkl», al teatr ártisi Zarına Makına «Úzdik áıel beınesi» atalymymen marapattaldy», dedi uıym dırektory.

Konserttik uıymnyń 2023 jyldyń II jartyjyldyǵynyń konserttik-gas­trol­dik josparlary da kóp ekeni aıtyldy.

 «Qyrkúıek aıynda Almaty kórermeni úshin qala kúnine oraı «Almatydaǵy Altyn kúz «Qazaqkonsertpen» atty kon­sert­tik baǵdarlamamyzdy usynamyz. Is-sha­raǵa qazaq estrada juldyzdary Roza Rymbaeva, Maqpal Júnisova, Altynbek Qorazbaev, Aıjan Nurmaǵambetova, Súleımen Ibragımov, Jeńis Ysqaqova, Ja­zıra men Janbolat, Janna Oryn­basa­rova, «Melomen», «Azııa» toptary jáne basqalary qatysady. Bıyl ekinshi ret «alem saz» halyqaralyq mýzykalyq festıvalin uıymdastyrǵaly otyrmyz. Bul – álemniń túkpir-túk­pirinen túrli mýzykalyq baǵyttaǵy biregeı mýzykanttardy bir sahnada toǵystyratyn erekshe is-shara. Qyrkúıek aıynyń 28-i men qazan aıynyń 3-i aralyǵynda ótetin festıvalǵa Túrkııa, Japonııa, Majarstan, Germanııa, Reseı memleketterinen qonaq­tar kútilýde. «Arman asýlary» atty erekshe qajettiligi bar balalar­ǵa arnalǵan respýblıkalyq festı­valdyń gala-konserti de ekinshi ret uıym­­dastyrylǵaly otyr. Is-shara Qazaq­­stannyń barlyq aımaǵynan erek­she qajettiligi bar balalar arasyn­daǵy talanttylardy anyqtaý, shyǵar­mashy­lyq qabiletterin arttyrý, damytýǵa qa­jetti jaǵdaı jasaý jáne qoldaý kórsetý maqsatyn kózdeıdi. Astana qalasynda ótetin festıvaldyń gala-konsertine elimiz­diń óńirlerinde tyńdalym baıqaý­larynda jeńiske jetken balalar tanymal óner jul­dyzdarymen bir sahnada birge óner kórsetedi», dep atap ótti.

Uıym basshysynyń aıtýynsha, «Kósh­pendiler áýeni» halyqaralyq festıvali de josparlanǵan. Festıvaldyń maqsaty – túrki halyqtarynyń birligin jáne mádenıetin nyǵaıtýǵa baǵyttalǵan, son­daı-aq ejelgi tamyry bar salt-dástúrler, ádet-ǵuryptar arqyly birtutas fol­klorlyq shyǵarmashylyq orta qurý. Festıvalǵa túrki halyqtarynyń tanymal mýzykanttary qatysady. Atap aıtatyn bolsaq, О́zbekstan, Túrkııa, Iаkýtııa, Majarstan, Qyrǵyzstan elderinen ónerpazdar kelmek. Odan bólek, jetekshi shyǵarmashylyq ujymdar men solıster Qytaı, Túrkııa, Fransııa, AQSh, Serbııa elderine gastroldik saparǵa attanbaq.