Prezıdent Qasym-Jomart Toqaevtyń Tájikstanǵa is-sapary aıasynda Kólik mınıstri Marat Qarabaev Ortalyq Azııa elderindegi áriptesterimen kezdesti, dep habarlaıdy Egemen.kz vedomstvonyń baspasóz qyzmetine silteme jasap.
«Dýshanbe qalasynda Ortalyq Azııa memleketteri basshylarynyń V Konsýltatıvtik kezdesýi sheńberinde Marat Qarabaev pen basqa memleketterden kelgen kólik salasyna jaýapty vedomstvolarynyń basshylary OA-da jer ústi kóliginiń ózara baılanysyn nyǵaıtý týraly kópjaqty kelisimge qol qoıdy. Kelisim Ortalyq Azııa óńirinde jer ústi kóligimen halyqaralyq tasymaldardy damytý úshin odan ári qolaıly jaǵdaı jasaý jáne kólik qyzmetteri naryǵynda básekelestik ortany qamtamasyz etýdi kózdeıdi», delingen aqparatta.
Aldaǵy ýaqytta kelisimdi ratıfıkasııalaý boıynsha jumystar qolǵa alynady.
Jıynda Ortalyq Azııa men basqa memleketter arasyndaǵy saýda baılanysy, kólik qatynasynyń máselesi talqylandy. Sondaı-aq kólik logıstıkalyq qyzmetterdi nyǵaıtyp, óndiris qýatyn arttyrýǵa serpin beretin Dýshanbe kommıýnıkesine qol qoıyldy.