Serbııanyń Belgrad qalasynda ótip jatqan álem chempıonatynda el qorjynyna alǵashqy medal tústi, dep habarlaıdy Egemen.kz Týrızm jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
Erkin kúresten 86 keli salmaqta synǵa túsken Azamat Dáýletbekov jartylaı fınalǵa deıingi qarsylastaryn aıqyn basymdyqpen utty. Fınalǵa synyq súıem qalǵanda álemniń eki dúrkin chempıony, Olımpıada oıyndarynyń chempıony amerıkalyq Devıd Teılorǵa ese jiberdi.
Byltyr da dál osy Serbııa elinde ótken álem chempıonatynyń jartylaı fınalynda bizdiń balýandy Teılor toqtatqan edi. Azamat qola medal úshin beldesýde bahreındik Magomed Sharıpovty utty.
Osylaısha álem chempıonatynyń qola júldesimen qosa kelesi jyly Fransııada ótetin Parıj jazǵy Olımpıadasyna joldama oljalady.