Búgin Nurlan Ábdirovtiń tóraǵalyǵymen Qazaqstan Respýblıkasy Ortalyq saılaý komıssııasynyń otyrysy ótip, «Qazaqstan Respýblıkasy Parlamenti Májilisiniń depýtaty V.A. Kımdi tirkeý týraly» qaýly qabyldandy, dep habarlaıdy Egemen.kz.
«Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýsııalyq zańynyń 12, 45, 46-baptaryna, 97-1-babynyń 6-tarmaǵyna, 98-babyna sáıkes jáne «AMANAT» partııasy» qoǵamdyq birlestiginiń Saıası keńesi Bıýrosynyń 2023 jylǵy 18 qyrkúıektegi № № 015PQ qaýlysynan úzindi kóshirmege sáıkes Qazaqstan Respýblıkasynyń Ortalyq saılaý komıssııasy qaýly etti:
Qazaqstan Respýblıkasy Parlamenti Májilisi depýtatynyń bos mandaty «AMANAT» partııasy» qoǵamdyq birlestiginiń múshesi Vera Aleksandrovna Kımge berilsin. Vera Aleksandrovna Kım Qazaqstan Respýblıkasy Parlamenti Májilisiniń depýtaty bolyp tirkelsin. Vera Aleksandrovna Kımge belgilengen úlgidegi tıisti kýálik pen omyraýǵa taǵatyn belgi tapsyrylsyn.Otyrys barysynda OSK Tóraǵasy Nurlan Ábdirov «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq Zańnyń 24-babyna sáıkes depýtattyń ókilettigi ony Ortalyq saılaý komıssııasy tirkegen kezden bastalatynyn habarlady.
Nurlan Ábdirov Vera Aleksandrovnaǵa belgilengen úlgidegi kýálik pen omyraýǵa taǵatyn belgini tabystap, oǵan depýtattyq korpýstaǵy jumysyna sáttilik tiledi.