Reformadan keıin Senattyń róli qandaı? Májilispen jáne Úkimetpen birlesip qanshalyqty tıimdi jumys isteýge bolady? Senatorlar qazaqstandyqtardyń máselesin qalaı sheshedi? Osy jáne ózge de suraqtarǵa Palata Tóraǵasy Máýlen Áshimbaev BaitassovLive YouTube arnasyna bergen suhbatynda jaýap berdi, dep habarlaıdy Egemen.kz.
«Senat – búginde elimizdiń turaqty jáne teńgerimdi damýyna yqpal etetin Palata. Senatorlar barlyq zańdy ulttyq múddeni, aımaqtardyń múddesin jáne elimizdegi etnosaralyq turaqtylyqty qamtamasyz etýge qanshalyqty yqpal etetinin eskere otyryp qaraıdy. Sonymen qatar Senat memlekettik qurylymdaǵy zań shyǵarý prosesiniń birqalypty bolýyn qamtamasyz etedi. Esterińizde bolsa, Májilis saılaýy ótken kezde, bıyl qańtardan sáýir aıynyń basyna deıin zań shyǵarý qyzmetin Senat atqardy. Osy kezeńde Palata mańyzdy 36 zań qabyldady», dedi Máýlen Áshimbaev.
Sonymen qatar suhbat barysynda Senat óńirlerdiń múddelerin qorǵaıtyn jáne aımaqtardaǵy ózekti máselelerdi sheshýge járdemdesetin Palata ekeni aıtyldy.