Oblys ortalyǵynda Túrki álemi matematıkteriniń VII Dúnıejúzilik Kongresiniń ashylý saltanaty ótti. Sharaǵa Túrkistan oblysy ákimi Darhan Satybaldy qatysyp, Qazaqstan Respýblıkasynyń Prezıdenti Qasym-Jomart Toqaevtyń quttyqtaý hatyn oqyp berdi, dep habarlaıdy Egemen.kz oblys ákiminiń baspasóz qyzmetine silteme jasap.
Ǵylymı forým kórnekti ǵalym, Qazaqstan Respýblıkasy Ulttyq ınjenerlik akademııasynyń prezıdenti, Túrki álemi matematıkalyq qoǵamynyń prezıdenti akademık Jumaǵulov Baqytjan Tursynulynyń tóraǵalyǵymen 20-23 qyrkúıek aralyǵynda Túrkistanda ótedi.
Kongrestiń negizgi maqsaty – ǵalymdardyń halyqaralyq baılanystary men ǵylymı yntymaqtastyǵyn keńeıtý, matematıka ǵylymynyń damýyna jáne matematıkanyń, aqparattyq tehnologııalardyń jetistikterin ǵylymı zertteýlerde, tehnıka men bilim berýde qoldanýǵa úles qosý.
Túrki áleminiń matematıkalyq qoǵamy (Turkic World Mathematical Society, TWMS) Qazaqstan Respýblıkasynyń Ǵylym jáne joǵary bilim mınıstrliginiń, Túrkistan oblysy ákimdiginiń jáne Iаsaýı atyndaǵy Halyqaralyq qazaq-túrik ýnıversıtetiniń qoldaýymen ótip jatqan Kongreske álemniń 20 memleketinen 400-den astam matematık ǵalym qatysady. Plenarlyq 8 baıandamany Túrkııa, Ázerbaıjan, Túrkimenstan, О́zbekstan, Qyrǵyzstan, Reseı jáne Qazaqstannyń álemge belgili ǵalymdary jasaıdy. Matematıkanyń 10 baǵyty boıynsha seksııalarda jáne bir shaǵyn sımpozıýmda qazirgi matematıka ǵylymyndaǵy sońǵy ǵylymı nátıjeler boıynsha 405 baıandama usynylady.
Forýmda orta jáne joǵary mektepterde aqparattandyrý men matematıkany oqytýdyń zamanaýı máseleleri qarastyrylady. Pikir almasýǵa jáne matematıka ǵylymdarynyń sońǵy jetistikteri týraly aqparat alýǵa tamasha múmkindik beretin Kongreste túrki áleminiń matematıkteri kótergen ózekti máselelerdi birlesip sheshý úshin ǵylymı baǵdarlamalar daıyndaý kózdelip otyr.
Ǵylymı forým jumysy barysynda matematıka ǵylymdarynyń damýyna erekshe úles qosqan matematıkter medaldarmen marapattalady jáne TWMS Kongresiniń laýreattary jarııalanady.