Sáken turǵan úı

Sáken Seıfýllın ómir­baıanyna úńilgende, onyń Aq­mola qalasymen óte tyǵyz baı­­lanysta bolǵanyn bilemiz. Máselen, ardaqty tulǵa 1917 jyly 9 naýryzda Aqmolaǵa kelip, saıası qyzmetke arala­sa bastaıdy. «Jas qazaq» atty saıası jáne áleýmettik má­de­nı-qoǵam quryp, «Tirshilik» gazetin shyǵarýǵa qatysady. Sondaı-aq Aqmoladaǵy jańa orys-qazaq mektebinde úsh aılyq muǵalimderdi oqytý kýr­syn júrgizedi. 1918 jyly maý­sym aıyndaǵy Aqmola­da­ǵy aqtar tóńkerisinen keıin tutqynǵa alynyp, 1919 jyly ­5 qańtarda Petropavl túrme­sine jiberilgen. 1920 jyly kóktemde túrmeden bosaǵannan keıin Aqmolaǵa qaıta oralyp, osyndaǵy revolıýsııalyq ko­mı­tettiń Ákimshilik bólimi bas­­shysynyń kómekshisi bolyp ta­ǵa­ıyndalady. 

Aıaýly aqyn turǵan úı qa­zirgi Amangeldi Imanov kó­shesinde bolǵan. Sýretine qa­­­rap, onyń sol kezdegi tó­besi ­shıfrmen jabylǵan eń­seli úılerdiń biri ekenin baı­qaımyz. Úıdiń bir jaq qa­byr­ǵasynda alty tereze or­na­lasqan. Qabyrǵamen japsarlas aǵashtan sharbaq jasap qoıǵan. Aýlada aǵash ósip tur. Mańdaıshasyna es­kertkish taqta ilingen. Bir óki­nishtisi, bul kúnde Sáken atamyz turǵan úı saqtalma­ǵan. 70-jyldary qala ishine zamanaýı qurylystar turǵyzý maqsatynda buzylǵan. Al úı mańdaıshasyna qoıylǵan es­kertkish taqta aqyn mýzeıinde tur.