Qazaqstan qor bırjasy (KASE) usynǵan málimetke sáıkes, 15:30-daǵy jaǵdaı boıynsha dollardyń ortasha saralanǵan baǵamy birden 5,72 teńgege kóterilip, 482,77 teńge boldy, dep habarlaıdy Egemen.kz.
Qytaı ıýaniniń ortasha saralanǵan baǵamy 65,94 teńgege deıin ósti (+0,88).
Ulttyq bank eýro baǵamyn 505,27 teńge, rýbldi 4,95 teńge dep belgiledi.
Aqsha aıyrbastaý oryndarynda dollar 481-484 teńge, eýro 508,5-512,5 teńge, reseı rýbli 4,87-5,07 teńge aralyǵynda saýdalanyp jatyr.
Budan bólek, álemdik munaı baǵasy da birshama kóterildi.
Máselen, ICE Futures elektrondyq saýdasynda Brent markaly munaıdyń jeltoqsan fıýchersteriniń quny 0,80%-ǵa ósip, barreline 93,17 dollar boldy.
Al NYMEX elektrondyq saýdasynda WTI markaly munaıdyń qarashadaǵy fıýchersteri 1,15%-ǵa ósip, barreline 91,43 dollar boldy.