Memleket basshysy kezdesý qatysýshylaryna jýyrda germanııalyq HMS Bergbau kompanııasynyń basshylyǵymen geologııalyq barlaý jumystaryn júrgizý jáne aldaǵy ýaqytta lıtıı óńdeý keshenin salý týraly ýaǵdalastyqqa qol jetkizilgeni jóninde málimet berdi. Investısııa kólemi – 500 mıllıon dollardy quraıdy, dep habarlaıdy Egemen.kz.
«О́nerkásip salasyndaǵy yntymaqtastyǵymyz da múlde jańa deńgeıge kóterilip keledi. Linde kompanııasynyń karbamıd óndirisine arnalǵan gazdy tolyq óńdeý jobasyn júzege asyrý bul iske tyń serpin beredi. Investısııanyń jalpy kólemi 1,4 mıllıard teńgege baǵalanyp otyr», dedi Prezıdent.
Memleket basshysynyń pikirinshe, kómirsýtegi shıkizatyn jetkizý, jahandyq azyq-túlik qaýipsizdigin kúsheıtý, kólik-tranzıt jáne qarjy salalaryndaǵy kooperasııa ózara qarym-qatynastyń basqa da basym baǵyttarynyń qataryna kiredi.
Prezıdent kezdesýge qatysýshylardyń nazaryn ornyqty damý jáne jasyl ekonomıka salalarynda birlese jumys isteýdiń mańyzdylyǵyna aýdardy. – Qazaqstan aımaqtyq klımat máselesin ilgeriletýge jan-jaqty atsalysýǵa daıyn. Biz nemis seriktesterimizdi 2026 jyly BUU aıasynda Qazaqstanda ótetin Aımaqtyq klımattyq sammıtke qatysýǵa shaqyramyz. Biz 2060 jylǵa qaraı kómirtegi beıtaraptyǵyna qol jetkizý jóninde mindetteme aldyq. Alaıda ol úshin bizge ekonomıkany aıtarlyqtaı jańǵyrtyp, «jasyl» tehnologııaǵa 600 mıllıard dollardan astam ınvestısııa tartý qajet, – dedi Qasym-Jomart Toqaev.
Prezıdent sóz sońynda atalǵan kezdesýdiń qorytyndysy Ortalyq Azııa elderi men Germanııa arasyndaǵy ekonomıkalyq yntymaqtastyqtyń kókjıegin keńeıtetine senim bildirdi.