Qytaıdyń Hanchjoý qalasyn dúbirge bólegen HIH jazǵy Azııa oıyndarynda qazaq eliniń jeńil atleti Karolın Chepkoech Kıpkırýı qola medal ıelendi, dep habarlaıdy Egemen.kz Týrızm jáne sport mınıstrligi Sportty damytý dıreksııasynyń baspasóz qyzmetine silteme jasap.
Jelaıaq qyzdardyń arasyndaǵy 5000 metrge júgirý saıysynda Parýl Chaýdharı (Úndistan) jazǵy Azııa oıyndarynyń chempıony atandy. Kúmis medal japon qyzy Rırıka Hıronakaǵa buıyrdy. Qola medal ıegeri Kıpkırýı úndi qyzynan 9 sekýnd qalyp qoıdy.
Jeńil atletıkadan ulttyq quramanyń taǵy bir múshesi Deızı Djepkemeı jazǵy Azııa oıyndarynda 8-oryndy mise tutty.
Karolın osy Hanchjoýda ótip jatqan jazǵy Azııa oıyndarynda 10 shaqyrym qashyqtyqta da qola júldeger atanǵan bolatyn.