Qytaıdyń Hanchjoý qalasynda ótip jatqan HIH jazǵy Azııa oıyndarynda grek-rım kúresinen Azat Sadyqov qola medalǵa ıe boldy, dep habarlaıdy Egemen.kz Týrızm jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
77 keli salmaqta kúresken Azat japon Kodaı Sakýrabany, Taıland balýany Vısıt Tamvıratty utyp, jartylaı fınalǵa shyqqan. Biraq Tokıo Olımpıadasynyń kúmis júldegeri, álem chempıonatynyń eki dúrkin chempıony qyrǵyz balýany Aqjol Mahmudovqa ese jiberdi.
Qola medal úshin Kambodja eliniń balýany Sofak Keoǵa qarsy kúresýi tıis edi. Sofak syrqatyn jeleý etip beldesýden bas tartyp, Azat jazǵy Azııa oıyndarynyń qola júldesine ıe boldy.
Aıta ketsek, bul onyń eresekter dýyna qosylǵaly bergi qurlyqtyq básekedegi alǵashqy medali.