Nobel Fest halyqaralyq festıvaliniń ashylý sessııasy aıasynda kásipker jáne mesenat Islambek Saljanov Qazaqstandy zamanaýı álemde aıtarlyqtaı ilgerilete alatyn tehnologııalar týraly aıtty, dep jazady Egemen.kz.
Kásipker atap ótkendeı, ınternetti blokcheın tehnologııalar, jasandy ıntellekt, keńeıtilgen jáne vırtýaldy shyndyq, Big Data, fınteh, bıomedısına, kvanttyq kompıýterler, jasyl energııa almastyryp otyr.
«Búginde Qazaqstannyń biregeı tarıhı múmkindigi bar, biz odan aıyrylyp qalmaýymyz kerek. Bul tehnologııalyq transformasııa kezinde ǵana ashylatyn múmkindik. Dál úshinshi ónerkásiptik revolıýsııa Azııa jolbarystaryna damýda sekiris jasaýǵa jáne álemdegi ınnovasııalyq kóshbasshy bolýǵa kómektesken edi. Al búgin Qazaq barysynyń tehnologııalyq sekiris jasap, jas ǵalymdar men ınnovatorlardyń talanttary men qabiletterin álemge kórsetetin kezi keldi. Qazir tehnologııalyq revolıýsııa ýaqyty, jańa tehnologııalardy jasaý úshin tereń tarıhı tájirıbe qajet emes, óıtkeni bul tehnologııalardyń ózi álem úshin jańa», dedi Islambek Saljanov.
Ol óziniń baıandamasynda Qazaqstandy joǵary tehnologııalyq damyǵan elge aınaldyrý – Qazaqstan Prezıdentiniń Úkimet aldyna qoıǵan basym mindetteriniń biri ekendigin atady. Onyń aıtýynsha, búgingi kúni otandyq kásipkerler ózderiniń startaptaryn qura otyryp, ınnovasııalyq ónimderimen jáne qyzmetterimen álemdik naryqqa shyǵyp keledi.
«Bizdiń «Altyn Qyran Group» kompanııasy Qazaqstandyq blokcheın tehnologııalary jáne Data ortalyqtary qaýymdastyǵyn qurdy, sonymen qatar elde blokcheın tehnologııasyn 4 jyldan astam ýaqyttan beri damytyp keledi. Bizdiń qaýymdastyǵymyz Qazaqstandy álemdik kompanııalarǵa esepteý qyzmetterin kórsetetin jahandyq habtardyń birine aınaldyrý maqsatynda sıfrlyq ekonomıkany odan ári damytý boıynsha Qazaqstan Respýblıkasynyń Parlamentimen jáne Úkimetimen tyǵyz jumys jasap keledi», dep atap ótti Islambek Saljanov.
Sonymen qatar kásipker jańa tehnologııalar energııa qýatyn arttyrýdy talap etetinin de alǵa tartty. Onyń aıtýynsha, Qazaqstan ónerkásiptik saqtaý qurylǵylaryn paıdalana otyryp, jel men kún elektr stansııalaryn salý arqyly elektr qýatyn óndirýdi barynsha jyldamdata alady. О́nerkásip qoımalaryn paıdalana otyryp, jel men kún elektr stansııalaryn salý tıimdi sheshim bolyp otyr.
«Qazaqstan jer kólemi boıynsha álemde toǵyzynshy orynda. Bul oraıda jel men kún qýatynyń áleýeti zor. Sarapshylardyń pikirinshe, bir ǵana Jońǵar qaqpasynyń áleýeti 100 myń megavatqa deıin jetedi. Bul – jel kúshi óte joǵary álemdegi eń erekshe jer. Big Data men elektr energııasy munaıdyń jańa túrine aınaldy», dep túsindirdi Islambek Saljanov.
Nobel festıvaline qatysýshylar aldynda sóz sóılegen Islambek Saljanov «Jońǵar qaqpasynyń» áleýetin júzege asyrý úshin jasyl energetıka jáne blokcheın tehnologııasy salasynda ınjenerler men ǵalymdarǵa suranys basym bolatyndyǵyn, sondyqtan jastardy osy saladaǵy mamandyqtardy meńgerýge jáne salalyq tendensııalardy nazarda ustaýǵa shaqyrdy.