Premer-mınıstrdiń birinshi orynbasary Roman Sklıardyń tóraǵalyǵymen ótken Investısııalyq shtabtyń kezekti otyrysynda ınvestısııa tartý sharalary jáne ınvestısııalyq jańa jobalardy iske asyrýdyń ózekti máseleleri qaraldy.
Aýyl sharýashylyǵy vıse-mınıstri Baǵlan Bekbaýov bıyl respýblıkanyń AО́K salasynda 5,3 myńǵa jýyq jumys ornyn qurý arqyly 444 mlrd teńgeden asa somaǵa 322 jobany iske asyrý josparlanǵanyn baıandady. Búgingi tańda quny 130 mlrd teńge 115 joba paıdalanýǵa berildi, 1,7 myń jańa jumys orny ashyldy.
Sondaı-aq mınıstrlik qalyptastyrǵan 2023-2026 jyldarǵa arnalǵan pýl shamamen 36 myń jumys ornyn qura otyryp, 2,7 trln teńgeni quraıtyn 877 ınvestısııalyq jobany iske asyrýdy kózdeıtini atap ótildi. Bul rette jobalardy paıdalanýǵa berýdiń naqty merzimderi belgilengen óńirlik jol kartalary bekitildi.
Sonymen qatar otyrysta sheteldik ınvestorlardyń qatysýymen iri jobalardy iske asyrý máseleleri talqylandy.
Syrtqy ister mınıstriniń orynbasary Nazıra Nurbaeva «Kazakh Invest» bazasynda (AHQO-men birlesip) Task Force sheńberinde ázirlenip jatqan strategııalyq ınvestısııalyq jobalardyń jalpy pýly quny 13 mlrd dollardan asatyn 70 jobadan turatynyn atap ótti. 14 joba ınvestısııalar týraly kelisimderdi ázirleý satysynda tur.
Jıyn qorytyndysyna sáıkes Roman Sklıar múddeli memlekettik organdarǵa birqatar tapsyrma berip, josparlanǵan barlyq ınvestısııalyq jobany ýaqtyly júzege asyrýdyń mańyzdy ekenin atap ótti.