Qazirgi ýaqytta elordada jumys istep turǵan ShOB sýbektileriniń sany 226 379 birlikti quraıdy. Onda 499 445 adam jumys isteıdi, bul belsendi halyqtyń 72.8%-yn quraıdy. Jumys istep turǵan ShOB sýbektileri sanynyń (21,6%), sondaı-aq ShOB salasynda jumyspen qamtylǵandarsanynyń (13.2%) ósýiniń oń serpinin atap ótken jón. Bul týraly Kommýnıkasııalar qyzmetinde ótken brıfıngte Investısııalar jáne kásipkerlikti damytý basqarmasy basshysynyń orynbasary Qýanysh Saparov málim etti, dep habarlaıdy Egemen.kz elorda ákimdiginiń resmı saıtyna silteme jasap.
ShOB sýbektileriniń básekege qabilettiligin arttyrý úshin ákimdik kásipkerlerdi qoldaý boıynsha birqatar sharalar júrgizilip jatyr, onyń ishinde 2021-2025 jyldarǵa arnalǵan kásipkerlikti damytý jónindegi ulttyq joba sheńberinde 5 mln teńgege deıin memlekettik granttar berýdi jeke kásipkerlerge, sýbektilerge usynady.
«Ulttyq joba sheńberinde jańa bıznes-ıdeıalardy iske asyrý úshin memlekettik granttar berý qaǵıdalaryna sáıkes konkýrstyq irikteýge qatysýshylar áleýmettik kásipkerlik tizilimine kiretin áleýmettik kásipkerlik sýbektileri, «Bir aýyl – bir ónim» baǵdarlamasyna qatysýshylar jáne ekonomıka basym sektorlar sheńberinde qyzmetin júzege asyratyn, tirkeý merzimi 3 jyldan aspaıtyn basqa da dara kásipkerler bolýy múmkin», deıdi spıker.
Konkýrs jyl saıynǵy negizde ótkiziledi. Bıyl ótinimderdi qabyldaý 7-16 tamyz kúnderi kezekte.kz aqparattyq platforma arqyly ótti. Barlyǵy 1971 ótinim kelip túsken, bul rette konkýrstyq komıssııa aldynda qorǵaýǵa 1118 ótinim jiberilgen.
Konkýrstyq komıssııanyń sheshimimen 545 mln teńgege 113 joba maquldandy.
Salalar bólinisinde:
Jobalardyń 49,57% (56 joba) óńdeý ónerkásibine keldi. Mysaly: «Qýat» JK ózi elektr arbalarynyń qymbattyǵy problemasyna tap bolyp, múgedekter arbasyna arnalǵan elektr prıstavkalaryn nemese Tólegenuly JK lazerlik ChPÝ stanogyn óndirý týraly sheshim qabyldady. Bilim berý salasynda - 19 joba. Mysaly: Arystan JK vırtýaldy baǵdarlamalardy oqytý mektebin ashýǵa baǵyttalǵan ınnovasııalyq jobasy. Densaýlyq saqtaý salasynda - 12 joba. Konkýrstyq komıssııa maquldaǵan JK Jarylqasymov naqty ómirde dálirek nátıje alý úshin 3D-modelderdegi operasııalardy modeldeı alady. Aqparat jáne baılanys salasynda - 9 joba. JK Abıldın Sh-mıkro, shaǵyn jáne orta kásiporyndar úshin sıfrlyq transformasııaǵa, derekterdi berýdi avtomattandyrýǵa jáne taldaýǵa baǵdarlanǵan SMART Data Solutionsit-platformasyn qurý. О́ner, oıyn-saýyq jáne demalys baǵytynda - 4 joba. JK Muhametjanov balalardyń daǵdylaryna, múmkindikteri men tilekterine, ata-analardyń suraýyna beıimdelgen damý erekshelikteri bar balalarǵa arnalǵan merekelerdi uıymdastyrý. Kásibı, ǵylymı jáne tehnıkalyq qyzmet baǵytynda 6 joba. Mysaly, JK Lıashevıch Dmıtrıı «Týngýs» untaqty órt sóndirý modýlderin qaıta jaraqtandyrý qyzmeti. Kólik jáne qoımalaý jáne t.b. baǵytynda - 4 joba. Mahabat JK - júkterdi kóliktik óńdeý.