Qazaqstanda 16 qazannan bastap avtobýs jáne taksı júrgizýshileri medısınalyq kýálandyrýdan onlaın formatta óte alady. Atalǵan salaǵa sıfrlyq sheshimder engiziletinin Kólik mınıstrliginiń baspasóz qyzmeti habarlady, dep jazady Egemen.kz.
Onlaın tekserý kezinde zańnama talaptaryna jaýap beretin jáne júrgizýshiniń jalpy densaýlyǵyn tekserýge qabiletti avtomattandyrylǵan medısınalyq keshender arqyly júrgizýshiler bıometrııalyq jáne basqa ádispen sáıkestendiriledi, onlaın saýalnamadan ótedi, júrgizýshilerdiń kóz qarashyǵynyń jaryq titirkendirgishine reaksııasy tekseriledi, alkogoldik ahýaly tekserýden ótedi, sonymen qosa dene temperatýrasy men qan qysymy jáne pýlsti ólsheý múmkindikteri bar.
Atalǵan salada sıfrlyq sheshimderdi engizý tasymaldaýshylarǵa, taksoparkterge, avtobýs parkterine:
Tekserý júrgizý rásimderinde ashyqtyqty qamtamasyz etýge; Júrgizýshiler men medısına qyzmetkerleri arasyndaǵy sybaılas jemqorlyq faktilerin azaıtýǵa; Jolaýshylar men bagajdy tasymaldaý kezinde qaýipsizdik sharalaryn arttyrýǵa; Ýaqytty únemdeýge; Júrgizýshilerdiń densaýlyq jaǵdaıyna tolyq taldaý júrgizýge múmkindik beredi.Mınıstr buıryǵy 16 qazannan bastap kúshine enedi.