Dúnıede din ártúrli bolǵanymen, senim – ortaq. О́ıtkeni bárimiz bir Jaratýshyǵa senemiz. Ártúrli konfessııa ókiliniń ózara aıyrmashylyqtarynan góri uqsastyqtary, qarama-qaıshylyqtarynan góri ortaq ustanymy kóp.
Elimizde 20 jyldan beri ótip kele jatqan Álemdik jáne dástúrli dinder kóshbasshylarynyń sezi – osynaý ortaq ustanymdardy ashyq alańǵa shyǵaryp, yntymaqqa shaqyrýǵa baǵyttalǵan irgeli is-shara. О́kinishke qaraı, elimizdiń dinaralyq tatýlyqqa bastaǵan qadamdaryna kóleńkesin túsirip, kerisinshe óshpendilikke shaqyrǵan jaǵdaılar da bolyp jatyr. Solardyń qatarynda keıbir Eýropa elderindegi qasıetti Qurandy órteý oqıǵalaryn aıtýǵa bolady.
Memleket basshysy Qasym-Jomart Toqaev jýyrda Birikken Ulttar uıymynyń joǵary minberinen álem musylmandarynyń shamyna tıgen osy jaǵdaılarǵa qatysty ún qatýy – halqynyń basym kópshiligin musylmandar quraıtyn eldiń Prezıdenti retindegi mańyzy zor qadam boldy dep esepteımin.
Jalpy, Prezıdent bul máseleni birinshi ret qozǵap otyrǵan joq. Eýropa elderindegi kezekti arandatý áreketinen keıin de Qasym-Jomart Toqaev oǵan óz pikirin bildirip, ony qazirgi álemdegi jaǵdaıdy shıelenistirýge, halyqtar men memleketter arasyndaǵy senimge nuqsan keltirýge baǵyttalǵan áreket dep ataǵany belgili. Ol Qazaq eliniń Álemdik jáne dástúrli dinder kóshbasshylarynyń sezderin ótkizýge bastamashy bolǵan memleket ekenin eske salyp, bul forým dástúrli dinder men konfessııalardyń kórnekti ókilderi arasyndaǵy tıimdi ári tabysty dıalog alańyna aınalǵanyn alǵa tarta kele: «Jıilep ketken dinı vandalızm men atalǵan elder azamattarynyń jaýapsyz áreketi memleketter men dinderdiń beıbit qatar ómir súrýine keri áserin tıgizedi. Bul jalpyǵa ortaq normalarǵa qaıshy keletin aksııalar retinde biraýyzdan aıyptalýǵa tıis. BUU Bas Assambleıasy da bul máselege qatysty óz ustanymyn bildirýi kerek», degen bolatyn.
BUU Bas Assambleıasynyń 78-sessııasynda osy keleńsizdikti ózi birinshi bolyp kóterip, álem jurtshylyǵyn birlik pen yntymaq aıdynyn laılaıtyn álgindeı áreketterge qarsy kúresýge shaqyrdy. Ol BUU Bas hatshysy usynǵan «Beıbitshiliktiń jańa kún tártibin» qoldaıtynyn aıta kelip, beıbitshilik mádenıetin qalyptastyrýda dinaralyq jáne konfessııaaralyq dıalog asa mańyzdy ekenin aıtty. Bul, shyn máninde, Qazaq eliniń kóp jyldan beri búkil álemge usynyp otyrǵan dinder arasyndaǵy ózara tatýlyq ustanymy ekenin kórip otyrmyz.
Jeti ret ótken Álemdik jáne dástúrli dinder kóshbasshylarynyń sezi barysynda elimiz óz tarapynan álemge yntymaq pen birlik úlgisin kórsetip keledi. Prezıdentimiz Qasym-Jomart Toqaevtyń beıbitshilikke shaqyrǵan irgeli sózi álemdik kóshbasshylarǵa oı salýǵa tıis. Quran órteý sekildi óreskel isterge jol berip otyrǵan keıbir Eýropa memleketteriniń basshylary bul máseleniń saldary aýyr bolaryn, al dostyq – dinaralyq dıalogten bastalatynyn túsinse jaqsy.
Balǵabek MYRZAEV,
dintanýshy