JOBA

Qazaqstan Respýblıkasynyń densaýlyq saqtaý salasyn  damytýdyń  2011 – 2015 jyldarǵa arnalǵan “Salamatty Qazaqstan” memlekettik baǵdarlamasy

Memleket basshysy N.Á. Nazarbaevtyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty 2010 jylǵy 29 qańtardaǵy Qazaqstan halqyna Joldaýynda belgilengen mindetterdi iske asyrý maqsatynda Qazaqstan Respýblıkasynyń Densaýlyq saqtaý mınıstrligi “Qazaqstan Respýblıkasy densaýlyq saqtaý salasyn damytýdyń 2011-2015 jyldarǵa arnalǵan “Salamatty Qazaqstan” memlekettik baǵdarlamasynyń jobasyn ázirledi. Bul joba Qazaqstan Respýblıkasynyń 2020 jylǵa deıingi strategııalyq damý josparyna sáıkes ústimizdegi jyly Úkimet ázirlengen tórt basym memlekettik baǵdarlamalardyń biri bolyp tabylady. Baǵdarlamanyń maqsaty – Qazaqstan azamattarynyń densaýlyǵyn jaqsartý jáne eldiń áleýmettik-demografııalyq turaqty damýyn qamtamasyz etý úshin densaýlyq saqtaý júıesiniń básekelestik qabilettiligin qalyptastyrý. Budan buryn baǵdarlama Premer-Mınıstrdiń orynbasarynyń qatysýymen ótken Densaýlyq saqtaý mınıstrliginiń keńeıtilgen alqa májilisterinde, oblystardyń, medısına mekemeleri basshylarynyń, qoǵamdastyqtar jáne úkimettik emes uıymdar ókilderiniń qatysýymen ótken óńirlik keńesterde, densaýlyq saqtaý júıesiniń jumys semınarlary men konferensııalarynda talqylanyp, barlyq eskertýler jınaqtaldy jáne nazarǵa alyndy. QR Premer-Mınıstri K.Q. Másimovtiń tapsyrmasyna sáıkes jobany qabyldaý aldynda ótken saraptama eskerile otyryp, pysyqtalǵan qujat jobasy jurtshylyqtyń keń talqylaýyna usynylady. Usynystaryńyzdy myna elektrondy poshtaǵa jiberýlerińizdi suraımyz: mz@mz.gov.kz

QR Densaýlyq saqtaý mınıstrliginiń baspasóz qyzmeti

Joba