Premer-mınıstrdiń orynbasary Erulan Jamaýbaevtyń tóraǵalyǵymen ortalyq memlekettik organ jáne óńirlerdegi atqarýshy organ ókilderiniń qatysýymen keńes ótti.
Jıynǵa qatysýshylar úsh jyldyq kezeńge arnalǵan respýblıkalyq bıýdjet týraly zań jobasy boıynsha depýtattardyń usynǵan túzetýlerin talqylady.
Keńes barysynda bıýdjettik baǵdarlamalar ákimshileri men jergilikti atqarýshy organdarǵa Úkimetpen kelisilgen ustanymdardy depýtattyq korpýspen pysyqtaý tapsyryldy.
Esterińizge sala keteıik, qazir Parlament Májilisinde «2024-2026 jyldarǵa arnalǵan respýblıkalyq bıýdjet týraly» Zań jobasy talqylanyp jatyr. Talqylaý qorytyndysy boıynsha salystyrmaly keste qurylyp, kún saıyn depýtattardan usynystar túsýine qaraı jańartylyp otyrady.